شاركت المطربة شيرين عبد الوهاب، رسالة محبة لجمهورها في كل الوطن العربي عبر حسابها الجديد على موقع التواصل الاجتماعي لتبادل الصور والفيديوهات الشهير “ انستجرام ” تطلب من خلالها إعادة نشر ألبومها الجديد .
وكتبت شيرين عبد الوهاب قالت : لكل جمهوري الحبيب في مصر والعالم العربي أعملوا شير وريتويت لأغاني ألبومي الجديد خلينا نحتفل مع بعض وننبسط منتظره فيديوهاتكم الجميلة عشان هنحتفل أبدعوا بقى.
وأضافت شيرين: هناك علشان أقعد فى البيت، وأنا مكنتش بتكلم وكنت قاعدة زى ست خيبتها والآن صوتي مش هيتقطع وهفضل أغني وراكبة القطر بتاعي ومحدش هيعرف يوقفه، خلاص أنا سكت كتير”.
وتابعت: تحدثت مع مدير روتانا في مصر وقلت له أنه من حقه إرسال رسالة للشركة المعنية وتوقف الأغنية وتقاضيهم وتأخذ منهم تعويض بصفته مالك صوت شيرين فى هذا الوقت، وما حدث أنهم بعتولي أنا الإنذار وخدوا مني 8 مليون جنيه”.
وأشارت شيرين ، إلى أن روتانا خدت 8 مليون جنيه مني بالغلط دي فلوس عيالي، دا أنتوا متفقين عليا، وهم كانوا عايزين الشرط الجزائي وتعويض مني علشان يحلوا عني، قلتلوا أني هعمل اللي مفيش شركات تقدر عليه”.
وأضافت: روتانا أمتنعت عن إستلام الأغاني لأنها تريد شيرين عبد الوهاب حصري فى الحفلات، يعني اللي عايز شيرين فى أى حفلة يسلم روتانا، وهذا لم يكن الإتفاق.
وأختمت شيرين :أنا فنانة كبيرة أوي أوي وجمهوري كبير وهم اللي هيقف لكل ما أثير من جدال حولي، وأنا سجن النسا واحشني جدا وأنا مستعدة أتسجن عادي جدا وأنا مش فارقة معايا حاجة .
