أثار الفنان حسن شاكوش، مطرب المهرجانات، حالة من الجدل خلال الساعات الماضية، بعدما قامت زوجته ريم طارق بتحرير محضر ضده عقب طردها من منزل الزوجية بمدينة نصر، إثر خلافات زوجية بينهما.
زوجة حسن شاكوش تحرر محضرًا ضده
وقامت ريم طارق بتحرير محضرًا ضد شاكوش في قسم الشرطة بتهمة طردها والاستيلاء على منقولاتها الزوجية ومشغولاتها الذهبية وإيصال أمانة بقيمة مؤخر الصداق.
وكتبت زوجة حسن شاكوش، عبر صفحتها الرسمية على موقع التواصل الاجتماعي “فيس بوك”، “هو في إيه يا جماعة وإيه كمية الهبل دي اللي بتتقال”.
أول رد من حسن شاكوش
ومن جانبه، كتب حسن شاكوش، عبر صفحته الرسمية على “الفيس بوك”: “يمكن القصة دايما ناقصة، والبيوت فيها أسرار وإحنا بنخاف على بنات الناس واتربينا علي كده”.
وأضاف: “حق الرد بيقول إن دي لسه مراتي ميصحش اتكلم عنها حتى لو حصل إيه، يمكن أهل بيتي وفريق عملي وأقرب الناس ليا أتاذوا من الحوار ده”.
وتابع: “بس بما إنها شاركت جمهوري بشيء جارح بالشكل ده كل اللي أقدر أقوله الحمد الله على نعمة السكوت والعقل وقت المشكلة، الحمد الله علي كل شيء”.
شماتة على السوشيال ميديا
وتفاعل عدد من رواد مواقع التواصل الاجتماعي مع الخبر، معربين عن شماتتهم مما حدث بسبب قيام زوجة حسن شاكوش بالسجود شكرًا لله على زواجها من شاكوش خلال حفل زفافهما.
وسخرت إحدى رواد مواقع التواصل الاجتماعي قائلة: ” بكره تسجد سجدة شكر لما تطلق”، وقال آخر: “ليه يا سندريلا، مش دا اللي من فرحتك سجدتي عشانه في الفرح”.
يذكر أن حسن شاكوش احتفل بزفافه في 10 مارس الماضي، الذي شهد حضور عدد كبير من أهل الفن، وتصدر شاكوش وزوجته حينها “التريند” بسبب سجدة الشكر التي قامت بها الزوجة.
وقالت ريم طارق حينها: “إن سجودها في الفرح كان رغبة منها في شكر الله سبحانه وتعالى، ودي حاجة بعيدة عن السوشيال ميديا، ومفيش حد يقدر يضحك على ربنا”.
واستكملت: “أنا كنت واخدة عهد على نفسي لما أدخل بالإطلالة الأولى لازم أسجد وأشكر ربنا لأنه عوضني بحسن، هو أحسن واحد في الدنيا في عيوني”.
