تصدرت الفنانة هالة فاخر مؤشرات بحث جوجل خلال الساعات الماضية، بعد تصريحاتها الصادمة في برنامج “كلمة أخيرة”، مع الإعلامية لميس الحديدي.
وكشفت هالة فاخر خلال الحوار سبب تخليها عن الحجاب، وأسرارًا أخرى قالتها لأول مرة عن حياتها الشخصية والفنية.
وينشر “البورصجية نيوز” أبرز تصريحات هالة فاخر في “كلمة أخيرة”..
أنا حسيت إني عايزة أتحجب ولا حد أثر عليا ولا حضرت دروس دينية، لكن قبل الحجاب كنت في الحج، وفضلت محجبة أربع أو خمس سنين.
الشغل بقى محدود وأنا مش وارثة ومفيش لازم أنزل اشتغل.
سمعت إن الباروكة بديل للحجاب قلت أهو تلكيكة وده مش صحيح واشتغلت شويه بالباروكة.
الباروكة بتحلي اكتر وكنت متلخبطة في الفترة دي ما بين أني اتحجب او اقلع الحجاب، بس أنا لازم اقلع الحجاب عشان اشتغل وربنا غفور رحيم.
كنت بحس بعد ما قلعت الحجاب وانا نازلة الشارع أني مش مكمله لبسي وإني عريانة ومكنتش بلبس “كت”.
الحياة من غير راجل ممتعة وجميلة جدا، اجيب حد ينكد عليا ليه، هما بيقولوا علينا نكديين وهما اللى نكديين.
في أدوار عملتها سبوبة لكن دوري مع دكتور يحيى الفخراني في مسلسل شرف فتح الباب، وشغلي مع المخرج خالد يوسف في فيلم هي فوضى وبعده حين ميسرة من أحلى أدواري، ومعملتش زيهم تاني.
ويعرض للفنانة هالة فاخر حاليًا مسلسل” طير بينا يا قلبي”، بطولة ريم مصطفى، بسمة، دنيا ماهر، محسن محيي الدين، أحمد صيام، والطفلة ريما مصطفى، الطفل سليم مصطفى، حازم سمير، نور محمود، إسماعيل فرغلي، عمرو عبدالعزيز، إبرام سمير، تأليف باسم علي الخطيب – إسلام شتا – أحمد رجب حسن، وإخراج عصام نصار وإنتاج شركة “آرت ميكرز” للمنتج أحمد عبدالعاطي.
