السيسى: فيه خبراء اقتصاد رفضوا يمسكوا الوزارات

أكد الرئيس عبدالفتاح السيسي أن هناك عدد من الخبراء الاقتصاديين رفضوا تولي مسؤولية الوزارة خوفا من عدم النجاح.

وقال السيسي خلال كلمته في الجلسة الختامية للمؤتمر الاقتصادي ، اليوم الثلاثاء، إنه :”كتير من اللى قاعدين هنا.. وناس اقتصاديين.. في بداية 2014 التقيت بهم.. وقولت لهم تحبوا تيجوا تمسكوا الوزارة.. قالوا لا.. احنا لينا تاريخ.. مستخسر تاريخك في بلدك.. انا مش بلوم حد والله ما بلوم حد.. احنا نعرف يعني إيه الحال ده ننجح ولا لا.. خلينا بعيد”.

وتابع :” حد تاني قالى هتديني كام.. انا باخد 2 مليون في الشهر.. قولت له مش هقدر.. قالي سبني بعيد وانا أي نصيحة هقولك عليها”.

وواصل :”اللى ساكن في المقطم يشوف.. واللى ساكن في المرج والمطرية وعين شمس.. أنا اللى بدخل المناطق دى علشان نغير حياة الناس”.

وقال السيسي :”فى حد كان بيقولي انت بيتكلم كتير ليه عن الله، فقلت له ايوه بحب ربنا و يارب يكون بيحبني، الله حبيبي و غالى عليا و كرمه على مصر يفوق خيال أى شخص، وأنا اللى شايف اللى حصل”.

وتابع :” و الله و الله و الله كرمه على مصر فوق الخيال و الله و الله والله كرم ربنا علينا كبير. اللي شايف ربنا عمل إيه مع المصريين.. ممكن تكونوا شايفين لكن أنا شايف أكتر.. والله والله والله كرم ربنا على مصر فوق خيالكم”.

واستطرد :”لما عملت بيان 3 يوليو كنت حريصا على المحافظة على التماسك الهش للدولة بما فيها الفصيل ده لكن علشان خاطر مصر”.

وواصل :”انا إنسان طلب منه التدخل لحماية وطنه.. طب والله انا صادق.. أصل أدبيات الرئيس حاجة وأدبيات المواطن حاجة.. وأدبيات الرئيس حاجة.. وأنا مش عاوز يعيش وخلاص”.

بدأت منذ قليل، فعاليات الجلسة الختامة للمؤتمر الاقتصادي “مصر 2022″، بحضور الرئيس عبد الفتاح السيسي.

ووصل الرئيس عبد الفتاح السيسى، إلى مقر انعقاد المؤتمر الاقتصادى فى العاصمة الإدارية الجديدة، حيث يشهد الجلسة الختامية للمؤتمر الاقتصادى “مصر 2022”.