أعلنت الممثلة الشابة هنا الزاهد، خلال لقاء ها التلفزيوني مع الإعلامي معتز الدمرداش، سبب تعرضها للتنمر في بداية مسيرتها الفنية، حيث علق البعض على صوتها،
و قالت هنا الزاهد : “أول ما بدأت أظهر تنمروا على صوتي قالوا صوتها مش لايق على شكلها، كانوا فاكرين أول ما شافوا شكلي رقيقة لقوا صوتي قوي”.
وتابعت: “دا كان أول انتقاد جالي واتخضيت لأني عمري ما ركزت أصلا، وفي الأول قعدت أعيط وإيه دا صوتي وحش، بس لا الحمد لله إني مطلعتش رقيقة وكيوت”.
وأشارت إلى أن ذكرياتها مع التنمر في المدرسة، مشيرة إلى أن كان هناك زميلًا بارعًا في التنمر فقالت : “أنا مكنتش عارفة يعني إيه تنمر، في المدرسة كان في ولد شاطر أوي في التنمر وأنا مكنتش فاهمة معنى الكلمة، كان بيبهدل الناس”.
وكشفت هنا الزاهد أن مواصفات الرجل المثالي من وجهة نظرها، أوضحت هنا أنه يجب أن يكون خفيف الظل وقادرًا على فهم روح الدعابة الخاصة بها، قائلة: “”لازم يبقى دمه خفيف علشان يفهم أنا بقول إيه. أنا ساعات بقعد مع ناس دمهم تقيل مش فاهمين أنا بقول إيه، وأقعد أقول إفيهات أفلام مبيردوش عليا””.
وتابعت: “يكون لذيذ بس في وقت الجد جد، ويكون طيب معايا وشرس مع كل الناس، طيب بس مش أهبل”.
