حادث مروع تعرضت له الفنانة الشابة مي الغيطي، أثناء تواجدها في تايلاند، كشفت عنه خلال الساعات الماضية للتصدر مواقع التواصل الاجتماعي.
ونشرت مي الغيطي، عددًا من الصور والفيديوهات، عبر حسابها على موقع تبادل الصور «إنستجرام»، قائلة: “في ناس كثيرة بتسألني أنا كنت مختفيه ليه، من 7 شهور كنت في حادثة حصلت في تايلاند، اتخبطت بعربية نقل في العربية اللي كنت فيها، واتصبت إصابات بالغة”.
وتابعت: “حصلي كسر في حوضي، وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي”.
أضافت: “قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمهم، مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط”.
وواصلت: “بعد علاج طبيعي فترة وكل شوية نكتشف حاجة جديدة، أنا دلوقتي أحسن بكتير جدًا الحمدلله ودي حاجة محدش كان متخيلها بعد فتره نسبيًا قليلة”.
واستكملت: “حاسة إني كنت عايزة أشارك ده دلوقتي عشان اقول أن الجسم عنده قدرة رهيبة على الشفاء.. أقوى بكتير مما نتخيل وأن التعافي بياخد وقت، بس بييجي. لو إنت بتمر بوقت صعب”.
واختتمت كلماتها قائلة: “أرجوك كون صبور مع نفسك عشان عدم فقدانك إيمانك انك هتكون احسن بجد بيفرق في قدرتنا على تحمل الصعاب”.
يذكر أن آخر أعمال مي الغيطي كان مسلسل”مسار إجباري” الذي عرض عام 2024 ، وشارك في بطولته أحمد داش وعصام عمر وصابرين وبسمة ورشدي الشامي، وآخرين،وتأليف باهر دويدار، وإخراج نادين خان.
