حالة من الجدل أثارتها الفنانة هاجر الشرنوبي، وذلك بعدما نشرت صور لها، عبر حسابها على موقع الصور “إنستجرام”، وهي تُقبل ابنها، احتفالًا بعيد ميلاده اـ13.
هجوم على هاجر الشرنوبي بسبب صورتها مع ابنها
وظهرت هاجر الشرنوبي في الصور وهي تُقبل ابنها من فمه مما عرضها إلى انتقادات كبيرة على مواقع التواصل الاجتماعي.
رد هاجر الشرنوبي على الانتقادات الموجهة إليها
ومن جانبها، ردت هاجر الشرنوبى، على التعليقات السلبية والانتقادات التي وجهت لها، قائلة: “مساء الخير يا جماعة، عايزة أتكلم عن حاجة مضايقاني جدًا، صحيت الصبح على كمية تعليقات مش طبيعية من ناس واضح إنهم مش طبيعيين”.
وتابعت: “أنا منزلة صورة لابني وأنا ببوسه بمناسبة عيد ميلاده، وفجأة لقيت تعليقات زي: إيه لازمتها البوسة وتربية مش عارف إيه. إيه المرض ده بجد مش لاقية تفسير للي بيتكتب غير في قلوبهم مرض فزادهم الله مرضًا”.
وأضافت: “يعني إيه المشكلة في صورة عيد ميلاده وأنا ببوسه بجد مش فاهمة الموضوع غريب جدًا، وأنا مش عارفة فين المشكلة، أنا بشوف تعليقات سلبية كتير، وبصراحة ما بدخلش أرد عليها، ولا عمري عملت لايف، ولا طلعت أتكلم”.
وواصلت: “لكن المرة دي الموضوع يخصني، ودي صورة لابني في عيد ميلاده، مش طبيعي إن الناس تدخل تكتب تعليقات سلبية بالطريقة دي، عايز تقول نصيحة ابعتها في رسالة لكن أنك تكتب بالطريقة دي قدام الناس، ده بشع بجد”.
واختتمت كلامها قائلة: “مش لاقية أي مبرر أو تفسير للي بيحصل غير إن فيه ناس عندها مشكلة عقلية، يعني إيه المخ ده يهيأ لهم إن صورة أم بتبوس ابنها حاجة غلط”.
هاجر الشرنوبي تحتفل بعيد ميلاد ابنها
واحتلفت هاجر الشرنوبي بعيد ميلاد ابنها يوسف، وقامت بتجهيز تورتة عليها صورة اللاعب الشهير كريستيانو رونالدو.
وعلقت على الصور قائلة: “كل سنة وأنت طيب يا أحلى حاجة في حياتي، أخويا وصاحبي وابني حبيبي، كل سنة وانت القوس اللي رشق ف قلبي من يوم ما اتولد ابن عمُري”.
هاجر الشرنوبي تشارك في “حكيم باشا”
يُذكر أن الفنانة هاجر الشرنوبي تشارك فى بطولة مسلسل حكيم باشا للنجم مصطفى شعبان والمقرر عرضه فى شهر رمضان 2025.
وتضم قائمة أبطال العمل: سهر الصايغ، دينا فؤاد رياض الخولى، سلوى خطاب، منذر رياحنة، أحمد فؤاد سليم، سلوى عثمان، فتوح أحمد محمد نجاتي، ميدو عادل، أحمد صيام، فتوح أحمد، هايدي رفعت والعمل من تأليف محمد الشواف وإخراج أحمد خالد أمين وإنتاج شركة سينرجى.
