حرص النجم تامر حسني، على مشاركة جمهوره عبر صفحته الشخصية بموقع التواصل الإجتماعي إنستجرام، بنشر صورة يوجه من خلالها رسالة قوية بمناسبة شهر رمضان الفضيل.
وكتب تامر حسني على الصورة قائلًا: “على دخلة شهر رمضان المبارك أحب أبدأ أشارك معاكم بعض المعاني الجميلة اللي بتعلمها في حياتي دي صورة عظيمة جداً حركت جوايا معنى جميل .
وأضاف تامر حسني: تفتكروا لو اللي شايل كل الناس دي على ضهره لوحد من اللي شايلهم غلط فيه أو ظلمه أو حد سخنه و خلاه يقول كلام مش فيه أو شتمه حتى شتيمه صريحه.
وتابع تامر حسني: لو اللي شايل الناس دي كلها قرر يقوم ويقف ويرد عليه !! هيحصل إيه للناس دي كلها اللي ملهاش ذنب !!؟ أكيد هيقعوا ويتعوروا و هما ملهمش ذنب و خصوصاً إن اللي شايل الناس دي كلها هو شايلهم لإنه بيحبهم كلهم فا أكيد هيلتمس للي بيحبهم مليون عذر وعذر وخصوصاً ان اللي متشالين عشان هما فوق فا مش شايفين معاناة اللي شايل عشان كده ربنا بيدي الشخص المسؤول عن ناس كتير أو موظفين أو عيلة قوة تحمل وصبر و حكمة ورحمة مش عند حد و عشان كده ربنا بيباركله في مشواره اللي ماشيه وهو شايل كل دول من غير ما يشتكي بل بالعكس مستمتع وهما على ضهره .
وأختم تامر حسني وصف الرسول عليه الصلاة و السلام الرجل القوي الشديد باللي بيمسك نفسه عند الغضب مش اللي بيتخانق و يضرب يلا نبدأ ال الشهر بالتسامح و الرحمة و رمضان كريم على الجميع”.
وحرص الفنان تامر حسني، على دعم الملحن عمرو مصطفى في أزمته الصحية حيث خضع لعملية جراحية لإستئصال ورم سرطاني.
وكتب تامر حسني عبر حسابه الرسمي على «فيسبوك»: “بطمن عليه كل يوم، وبجد الرجاء من كل محبيني ومتابعيني ومن كل الناس الدعاء للملحن الكبير عمرو مصطفى بالشفاء العاجل، ربنا يشفيك يا عمرو يا حبيبي، وشدة وهتزول إن شاء الله، انت قدها ونص يا بطل، وكلنا معاك، وربنا يشفي كل مريض”.
