تصدر الفنان خالد سليم مؤشرات بحث جوجل خلال الساعات الماضية، وذلك بعدما حل ضيفًا على برنامج “حبر سري”، مع الإعلامية أسما إبراهيم.
وينشر “البورصجية نيوز” أبرز تصريحات الفنان خالد سليم في “حبر سري”..
شائعات انفصالي عن زوجتي أثري علي نفسيًا وكانت مميتة وجعلت زوجتي تشعر بالضيق.
بحب إنجاب البنات وبناتي بيغيروا عليا من مامتهم ومبيحبوش حد يقف يتصور معايا.
لا أفضل عمل تامر حسني بالإخراج والاستحواذ على جميع الأدوار وجهة نظر خاطئة.
الجمهور هو من سيحكم على تامر حسني.. والموضوع غلط، بطل واحد للعمل خاطئ.
أنا وتامر حسني مش أصدقاء وعلاقتنا كانت لطيفة في البداية، تامر حسني عايز يبقى لوحده.. وعايز يأكد أنه نجم الجيل.
أرفض هذه الألقاب، وتامر حسني يعمل بذكاء ويستحق أن يكون في مكانة جيدة جدًا.
أحب الزعيم عادل إمام، وقعدنا فترة طويلة كان فيه بينا تواصل بعد ما اشتغلنا سوا وبعدين أنا ببقى حساس من ناحية إني بكون مش عايز أزعجه.
أنا من أحد معجبي عادل إمام ولما شفته واتعاملت معاه حبيته أضعاف .. ده شخصية عظيمة وحاببني وعايزني أبقى أحسن.
أنا بعشق أصالة وهي عارفة أني بحبها قوي ومقكعش علاقتي بيها بالعكس.
أنا تعبت بشكل كبير وكان عندي مشاكل في أحبالي الصوتية ومكنتش عارف هي إيه وممكنتش عارف أغني ولا اتنفس ولا أنام مرتاح، وروحت لأكتر من دكتور وأخدت كورتيزون لمدة كبيرة جدًا لانه أسهل حاجة وعمل احتباس للمياه في الجسم.
وزني زاد بشكل كبير جدًّا لدرجة إني ما كانش فيه هدوم بتدخل فيَّ وكنت بلبس ملابس رياضية وفي الفترة دي ما كانش بيتعرض عليَّ أي حاجة تمثيل لأني طويل وكنت ممثل عندي عضلات كويسة فجأة العضلات مع المية بقت ضخمة والناس كانت بتخاف مني.
صحابي المقربين جدًّا مني سابوا كل تاريخي فجأة بقوا يتريقوا ويتنمروا عليَّ على سبيل الهزار بس دا كان بيأثر فيَّ بالنسبة لي كانت سكاكين، ورُحت البيت دخلت المطبخ فتحت التلاجة كنت باكل وبعيط صعبت عليَّ نفسي جدًّا وتعبت وحاولت أرجع إني أخس والكرتيزون مش عاوز ينصرف والضغط النفسي خلاني أعيط.
في فترة مرضي كان عندي حفلة في الإسكندرية وبعد ما الصور انتشرت لاقيت تعليقات سلبية بسبب شكل جسمي لغاية ما عرفت إني عندي ورم في أحبالي الصوتية وكان المفروض إني أعمل أول حاجة منظار علشان أعرف إيه سبب المشكلة ورُحت لدكتور محمد حماقي هو اللي عرفني عليه لغاية ما عرفت إني عندي ورم وعملت عملية استئصال.
