حالة من الجدل أثارها الفنان أحمد أدم، بعد هجومه على الفنان تامر حسني والأعمال التي يقدمها، ليتصدر الاثنان مواقع التواصل الاجتماعي خلال الساعات الماضية.
أحمد أدم يشن هجومًا على تامر حسني
وشن الفنان أحمد أدم هجومًا على تامر حسني، خلال برنامجه “آدم شو”، المُذاع على قناة “الحياة”، قائلًا إن أغاني تامر حسني بها إسفاف وأفلامه سيئة جدًا.
وتابع: “تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات”.
وأضاف: “وبيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا”.
أول تعليق من تامر حسني
ومن جانبه رد الفنان تامر حسني على هجوم أحمد آدم، من خلال منشور عبر صفحته الرسمية على موقع التواصل الاجتماعي “فيس بوك”، قال فيه: “أستاذ احمد آدم فعلًا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وامانتهم لمجرد أن الناس تعرفهم أو تتكلم عليهم ولو ليوم واحد ونسيوا انه لا يصح إلا الصحيح عشان ده عدل ربنا”.
واستكمل: “وأي افاقين مع الوقت هتلاقيهم بيختفوا والمحترم الحقيقي هو اللي بيستمر اصل لما نهتم ونرد على كل كداب امال اللي بيحبونا نعمل معاهم ايه؟، تابعوا قلوب الناس والمواقع اللي هتاخد كلام احمد آدم السلبي وينشروه وعلموا عليهم عشان تعرفوا حقيقتهم والحقيقة أن فعلًا الكلام السلبي هو اللي انتشر، شكرًا استاذ احمد آدم لكلامك واشادتك الحقيقية في حقي هي شهادة عظيمة من فنان محترم وكبير بفنه واخلاقه”.
