تعرضت الفنانة نشوى مصطفى إلى هجوم كبير، وذلك بعد تعليقها على انقطاع التيار الكهربائي على الرغم من انتهاء فصل الصيف، خلال برنامجها “بنت البلد”، الذي يُذاع على قناة “ten”.
وقالت نشوى مصطفى، “البنزين زاد لما العدو منع عنك تصدير الطاقة علشان يذلك ويكسرك ويهينك كمصري، المفروض أنت تقوله مش عاوز، إيه يعني الكهرباء تقطع ساعتين تلاتة في اليوم، لأ اقطع 12 ساعة في اليوم بس أنا قوف العدو مش هيكسرني ومش هيذلني”.
وتابعت نشوى:”الناس اللي بتقول الكهرباء بتقطع ساعتين، إن شاء الله تقطع 24 ساعة بس تكون في بيتك متأمن، مافيش عدو يدخل بيتك يغتصب بنتك أو مراتك، ولا أمك، الحمد لله نستحمل مع بعض، احنا صحاب البلد دي، يارب احميها واحرسها”.
وتصدرت نشوى مصطفى قائمة موقع التدوين “إكس”، حيث شن عدد من المغردين هجومًا على الفنانة بسبب تصريحاتها، وكتب أحد المغردين: “مش نشوى مصطفى دي اللي كانت بتصوت الشتا اللي فات عشان الڤيلا بتاعتها اللي في التجمع غرقت من المطر باين ؟ وكانت عمالة بتقول مفيش تخطيط ولا بنية تحتية؟”
وتابعت أخرى: “ياريت شركة الكهرباء تقطع النور ٢٤ ساعة على بيت الفنانة نشوي مصطفي هي اللي طلبت بنفسها”.
وردت نشوى مصطفى على الهجوم عليها قائلة: “إن الأوضاع غير مستقرة وعلى الجميع التكاتف في محاولة للخروج من الأوضاع الراهنة بسلام، وأنا مبردش خالص في أي حاجة وكل واحد حر يقول اللي هو عاوزه احنا في بلد حر كل اللي عاوز يقول حاجة يقولها”.
