تصدرت الفنانة شريفة ماهر مؤشرات بحث جوجل خلال الساعات الماضية، وذلك بعدما حلت ضيفة على برنامج “تفاصيل”، المُذاع على قناة “صدى البلد 2”.
وكشفت شريفة ماهر خلال اللقاء أسرارًا عن حياتها وأعمالها الفنية..
وينشر “البورصجية نيوز” أبرز تصريحات شريفة ماهر في “تفاصيل”..
أولادي جاحدين وظلموني وبعتبر مليش غير بنتي الصغيرة ولو مكنش عندي اولاد كان أحسن.
زيادة الفلوس بتجنن الناس وابني بيفضل الفلوس عني.
بنتي منها لله عمرها ما كانت حنينة معايا مع انها كنت قبل نور عيني.
بنتي الصغيرة بس هي اللى عايشة معايا دلوقتي.
رشدي أباظة كان دمه خفيفة ويوسف شعبان وأحمد رمزي.
أسعد وقت في حياتي وأنا بصلي.
ميهمنيش اتجوز واحد غني.
زوجي الحالي (سيد) ابن بلد وتزوجنا عن حب وبثق فيه لأني لما اتكسرت هو إللي شالني مشالونيش أولادي.
اشتغلت في إنتاج الأفلام وشاركت في انتاج فيلم “أبناء الشيطان” بطولة حسين فهمي وفاروق الفيشاوي.
مكملتش في الانتاج لان السينما دلوقتي عار على المصريين.
معرفش حاجة عن البوتكس والفيلر وجيلنا من الفنانات ميعرفش حاجة عنه.
دوري في فيلم “أعز الحبايب” من أحب الأدوار لقلبي لأن الفنانة أمينة رزق فنانة عظيمة وكانت بتتقمص الشخصية بشكل غير طبيعي.
عملت مع الفنان يوسف وهبي مسلسل “العبقري” وهو فنان خفيف الدم بشكل غير طبيعي.
فاتن حمامة كانت أقرب شخصية ليا في الوسط الفني وهي أطيب مخلوقة وشخصية مثقفة وغير حقودة وتتعامل بالفطرة.
لما بسمع الألفاظ اللي بتتقال في الأعمال دلوقتي ببقى عاوزة أكسر التليفزيون.
بحب أداء ريهام حجاج في أعمالها.
أنا كمطربة وفنانة مصرية بسمع رامي صبري وبحب صوته وهو حنين في الصوت.
التبرع بالأعضاء لو حلال أنا هعمل كده وإلهام شاهين لسه صغيرة عن انها تقول هتتبرع بالأعضاء بعد وفاتها.
كلمت الشيخ كشك قلتله يا مولانا عاوزه آجي أعرفك، وقلتله أنا من حته بتكرهها كره العمى؛ فقاللي قوليلي إنتي مين؟؛ قلتله شريفة ماهر؛ قاللي سمعتك سابقاكي؛ مش إنتي متدينة يا شريفة، قلتلة عاوزه أديلك شقة في البرج بتاعي؛ كان بينزل من الدور الخامس علشان الصلاة؛ ورفض.
مقصدش الإساءة للفنانة نادية الجندي والتصريحات اللى قولتها اتفهمت غلط أنا قلبي عليها وبقولها إن احنا الفنانين مسلطة علينا الأضواء وإحنا قاعدين في بيوتنا وبنصحها كأخت كبيرة، وأنا مسامحة نادية الجندي لو اساءت ليا.
أول لقاء جمعني بنبيلة عبيد كان في فيلم رابعة العدوية، وعلاقتي معها كباقي الفنانين.
