نفى الفنان أحمد فهمي، أثناء استضافته في برنامج Mirror، بشدة عن أي علاقة له بقصة الفيديو المنتشر أن أسرة الفنانة هنا الزاهد استولت على منزل سيدة، وأنه لا علاقة له بهذه القصة من قريب أو بعيد.
حقيقة أحمدفهمي وراء الفيديو المسيء لهنا الزاهد
وقال أحمد فهمي: “أنا مالي بالقصة دي؟ هو أنا اللي كنت مأجر البيت ده؟ هل أنا اللي كنت عايش فيه؟ كمية كبيرة من الاتهامات اتوجهت ليا وأنا بريء منها كلها”.
وتساءل فهمي مستنكرًا: “هل عندي وقت أصلاً علشان أشارك في حاجات بالشكل ده؟ الكل عارف شغلي وارتباطاتي الفنية ومشاريعي السينمائية الفترة اللي فاتت، لو كان حد غيري اتوجه له الاتهام ده كان اتأثر هو وشغله كمان، أنا لو فاضي أعمل كل الحاجات دي، مكنتش عملت فيلم واحد.
وأكد فهمي أنه شاهد فيديو السيدة بعد تداوله بشكل واسع عبر مواقع التواصل الاجتماعي، موضحًا: هو أنا اللي طلعت أحكام المحكمة؟ أنا اللي عملت محاضر؟ ده أنا أتحبس قبل ما نتكلم حتى عن الجانب الأخلاقي في الموضوع.
وشدد فهمي على أنه لا علاقة له بالأزمة نهائياً، قائلاً: “ماليش أي علاقة بالموضوع، ولو حتى فكرت أعمل حاجة زي دي كشرّ مش هعرف أعملها”.
