را
وأوضح أنه أصيب بمرض البهاق بسبب الحزن، قائلًا: “القصة بدأت أني في يوم سافرت أصور أغنية ليا مع مخرج وكانت تكلفتها ضخمة مبلغ 100 ألف دولار، وبعد انتهاء التصوير لقيت المخرج بيماطل في تسليم الكليب”.
وتابع: “مع اصراري أخبرني المخرج أن الهارد المسجل عليه كل تفاصيل الكليب اتكسر، وكان ابتلاء كبير وحركة لو حد جديد ميقعش فيها وفكرت أنه ممكن يكون مقصودة ولكن طلع كلامه صح”.
وأضاف: “راحت الفلوس وربنا كرمنا بالحل ولكن كان صعب وقتها، وبعد كده استشهد صديقي النقيب عمرو صلاح بحادث الواحات عام 2017 وحزنت جدا عليه لأنه صديق عمري وجالي بعدها السكر”.
واستطرد: “21 سنة صداقة، ساكنين في نفس البيت ومع بعض ليل نهار، حاولت اتماسك وأخفي مشاعر الحزن وبعدها بشهر عرفت أنى أصبت بالسكري، ومن بعدها أدركت مدى تأثري بالصدمات”.
وأردف: “عمرو كان معايا قبلها بيوم وقال لي: (أنا هبات النهاردة في القطاع وأقابلك بكرا بليل)، ثاني يوم تليفونه كان مغلق، وثالث يوم أخوه اتصل عليّ وقال لي انتيمك استشهد، أنا قعدت 5 أيام مش قادر أصدق الحقيقة”.
وواصل: “قابلت ناس مش كويسة لما جالي البهاق وفيه حد مرة مد إيده وما سلمش عليَّ بسبب البهاق، وواحد تاني بعد لما سلم عليَّ فضل يغسل إيده على الشاطئ وسأل مراتي هو دا معدي”.
واستكمل: “أنا ما أحبطتش من شوية، فمراتي قالت لي احنا نقوم نمشي علشان دا قلة ذوق واليوم دا أنا اتضايقت مش علشاني لكن علشان مراتي لأنها أحرجت لي”.
