تصدر اسم الإعلامية رضوى الشربيني موقع التدوين “تويتر”، خلال الساعات الماضية، وذلك بسبب حرب تصريحات بينها وبين الإعلامية ياسمين عز على مواقع التواصل الاجتماعي.
وبدأت الواقعة عندما قام متابعو رضوى الشربيني بالتساؤل عن منشور منسوب لها من تصريحات ياسمين عز، تدافع فيه عن الرجال والتي تقول فيه البيت بفلوس الراجل وتيجي مراته تقوله اقلع الجزمة علشان السجادة، دة أنا احط فساتيني الماركات تحت رجله يمشي عليها ، فجاء رد رضوى الشربيني ساخرا: “وأنا اقول الكلام ده ليه .. أنا ست عندها كرامة .. كلالم العبيد دة مش بتاعي”.
وردت الإعلامية ياسمين عز على رضوى الشربيني، من خلال ستوري عبر حسابها الرسمي، قالت فيه: “وكرامة ايه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة.. مدام بليز كرامتك وقعت منك أخى مرة هناك.. ابعتي حد عندك يجيبها قبل ما تسيح فالشمس”.
وتابعت: “واحكيلنا بالمرة قواعد بيات المراة الاربعون برة بيت الزوج من غير أذنه سلينا كدة في الإجازة لانك بقيتي مملة وشطبتي محتوى .. حتى تلقيحك ممل .. زيرو محتوى زيرو انوثة .. بس للأمانة أسترجال ليفل الوحش”.
وأضافت: ” دة أنا مش بس ادوس على الفساتين الماركات دة انا ادوس على اي حد علشان خاطر الفرعون الصغير بعمل ده في الحياة العادية وبقوله في العلن.. انما بقى لما يكون في خرابة بيوت بتبوس الجزم وتعمل فيلم مظلوم وتطلع في العلن تحكيلنا مأساة المرأة الاغريقية.. كدة انتي محتاجة علاج يا مدام”.
واستكملت: “روحي اتعالجي يا مدام في تشوهات نفسية وشياط وغيرة ويأس بدأ يتجلى ويتفشى ويترعرع في الانحاء .. وبلاش نشغل اسطوانة المراة الحديدية .. علشان المراة نفسها لو عرفت انتي ايه هيجيلها صدمة دماغية حضارية”.
واختتمت كلامها قائلة: “بقولك يا خرابة البيوت العمرانة.. جربي حطي اسمي تاني في تلميحات او تلقيحات علشان هنتفرج كلنا وقتها انا دوس على ايه تاني غير الماركات.. واهو بالمرة نحكي الحكايات ونسلي الناس فالاجازات” .
