حلت الفنانة نادية الجندي ضيفة على برنامج “حبر سري”، أمس الجمعة، مع الإعلامية اسما إبراهيم، على فضائية “القاهرة والناس”.
وكشفت نادية الجندي خلال الحوار أسرارًا عن حياتها، مما جعلها تتصدر مؤشرات بحث جوجل خلال الساعات الماضية.
وينشر “البورصجية نيوز” أبرز تصريحات نادية الجندي في “حبر سري”..
أنا ومحمد مختار زوجي السابق علاقتنا أقى من زوجين، هو أخ وصديق وأب وبنستشير بعض في كل حاجة وهو إنسان كويس جدًا، وطلاقنا قسمة ونصيب.
انا ومحمد مختار كنا بنكمل بعض وانا اللي دخلته الوسط الفني هو كان دبلوماسي ولولا أنا مكنش بقى منتج لانه حب التمثيل من خلالي.
أنا عاطفية ورومانسية وبثق في الناس جدًا، وثقتي في الناس بتسبب لي مشاكل لكن في الآخر ربنا بيكتب لي كل حاجة.
لو اتخدعت في فترة ربنا بيدني ملامح وإنذار وبيبقي عندي حاسة سادسة قوية بتعرفني على طول هل الإنسان دا صادق والا خادع وأنا بمشي ورا إحساسي وعمره مابيخدعني.
منى زكي احساسها رهيب واختيارتها حلوة وأوافق على العمل معها لانها فنانة جميلة وابهرتني في مسلسل “لعبة نيوتن”.
لم أشعر بالغيرة من زميلاتي الفنانات وعمري ما تمنيت دور مكان زميلة لان كل واحد ربنا بيكتبله رزقه ونصيبه.
أنا أفلامي كانت بتنجح وتكسر الدنيا.
حسيت في مسلسل “سكر زيادة” اني عاوزه اعمل حاجة مختلفة لانه كوميديا اجتماعية.
أتمنى أن ارتبط برجل يكون فيه كل مواصفات الرجولة، أي يكون شخص حنين وطيب وراقي في الحياة وسند لي.
أفلامي أنا وعادل إمام كانت الاكثر استحواذا على دور العرض عند عرضهم في نفس التوقيت.
وفاة والدتي ألمنى جدًا وأمي كانت سبب دخولي الفن وأكتر واحدة شجعتني.
و
الدي كان من عائلة محافظة ومتدين وكان مانع اني اشتغل في الفن وكان شايف ان الفن وسط صعب ومش هقدر اتاقلم عليه ووالدتي اقنعته فوافق ولكن بشرط مشاركة أمي لي والتحرك معي خلال التصوير واستكمال دراستي.
الحب لدي لا يرتبط بالعمر سواء كان الرجل أكبر أو أصغر منها.
عندي ولد اسمه هشام وكنت اتمنى أني اخلف اكتر من ولد، موضوع الابن الواحد بيخليني خايفة وقلقانة عليه، وأنا مدلعتش ابني وكنت صارمة جدا في تربيته.
نجوميتي مضرتش هشام ابني، وهو بعيد كل البعد عن الأضواء والوسط، وله شخصيته المستقلة، ومعندهوش حتة الغرور.
شعرت بموهبة أحمد زكي من أول لحظة، أنا عندي نظرة في الفنان وبقول ده هينجح ولا لا من أول نظرة.
شائعة أن أحمد زكي مكنش بيطرح أفلامه معايا شائعة صحيحة، فأنا وعادل إمام كنا محتكرين السينمات، ودور العرض كانت مشغولة كلها بأفلامي أنا وعادل إمام.
تزوجت عماد حمدي وأنا في سن صغير، كنت تلميذة في المدرسة وعندي 15 سنة، وكانت علاقتي بيه عن حب، كان نجم مشهور جدًا وحبيت فيه النجم وشايفة فيه وبطل، كنت في سن ده معنديش خبرة ولا احتكاك، ومفهومي عن الحياة حاجة تانية غير دلوقتي.
أنا من غير الفن لا أسوى شيء، الفن بالنسبة لي هو الغذاء الروحي، عمري ما هعتزل الفن تماما في الوقت الحالي فأنا نشيطة جدا، اعتزالي الفن مثل السمكة اللي بتطلع من الميه، ممكن في حالة واحدة بس اني اعتزل وهي لما جمهوري يبقى مش راضي عن أعمالي، وحب جمهوري ليا هو القوة والدفعة اللي بتخليني دائما للأمام.
