هجوم حاد شنه الفنان عمرو مصطفى على الفنان رامي جمال، وذلك بسبب تصريحات الأخير عنه خلال استضافته في برنامج “حبر سري”، مع الإعلامية أسما إبراهيم، على فضائية “القاهرة والناس”.
تصريحات رامي جمال بشأن عمرو مصطفى
وقال رامي جمال، خلال حواره في برنامج “حبر سري”، إن عمرو مصطفى تسيطر عليه نزعة نرجسية، متابعًا: “انت واحد من الملحنين العباقرة، التاريخ مش هينفع ينكرهم، لكن لسه مين مزعلتوش مفيش”.
وأضاف: “معتقدش عنده حد خلاص، عاب في كل زملائه، ومفيش نجاح في الدنيا يتوقف على شخص، الملحن من غير شاعر شاطر أداة، والملحن دون موزع شاطر أداة، والمطرب الشاطر هو فاترينة بدونها مكنش هيقدر يقعد قدام الناس ويقول أنا ملحن شاطر”.
وواصل: “لو زملاؤك معيوبين فأنت مهنتك معيوبه ، أتمنى نكبر بعض أحسن، عمرو من جواه قلبه طيب، لكن في النهاية الناس هي من ترى مشاكلنا، ليه نصدر لهم أننا مبنحبش بعض”.
عمرو مصطفى يفتح النار على رامي جمال
وبعد عرض الحلقة شن عمرو مصطفى هجومًا حادًا على رامي جمال، حيث وصفه بأنه مطرب درجة خامسة وأكد أنه سيقاضيه في حالة ذكر اسمه في أي مكان.
وكتب عبر حسابه على “الفيس بوك”: “أقسم بالله لو شوفتك في أي مكان انت وأشكالك لن تجدوا مني غير نظرة احتقار.. واوعى تجري تسلم عليا زي ما عملت قبل كده علشان ههزأك”.
وبعدما نشر عمرو مصطفى هذا المنشور قام بحذفه، واستبدله بمنشور آخر سخر فيه مما يقال عنه.
جاء فيه: ” أنا نرجسي.. أنا مغرور.. أنا منفصل عن زمايلي وفي حالي ومش بكلم حد في الوسط الفني.. ارتاحوا بقى وبطلوا تذكروا اسمي في كل مكان”.
وتابع: “اقعدوا اعملوا لجان في كل حته تطلع تشتمني وبرامج مخصوص لمهاجمتي، كل ده لاني لازم اكون منافق واشكر في ناس منافقه علشان صورتي تكون كويسه قدام الناس”.
وأضاف: “طيب انا عايز صورتي تكون وحشه ارتاحوا بقى”.
