مع اقتراب العام الدراسي الجديد، يزداد قلق أولياء الأمور بشأن شراء المستلزمات الدراسية في ظل ارتفاع الأسعار، وفي هذا الإطار، دعت عبير أحمد، مؤسس اتحاد أمهات مصر للنهوض بالتعليم وائتلاف أولياء الأمور، أعضاء الجروب إلى مشاركة تجاربهم وأفضل الأماكن التي يمكنهم الشراء منها بأسعار مناسبة، قائلة: “جبتوا مستلزمات المدرسة ولا لسه؟ وبتجيبوا منين تكون أسعارها مناسبة؟ خلونا نفيد بعض”.
وتفاعل العشرات من الأمهات مع الدعوة، حيث أكدت إحداهن: “اشترينا للأسف، الأسعار مبالغ فيها جدًا، الكتب الخارجية غالية والمستلزمات من كشاكيل وأقلام مرتفعة جدًا، أقل شنطة بـ600 جنيه والكويسة بتعدي الألف.”
بينما أشارت أخرى إلى وجود بدائل بأسعار أقل، قائلة: “معارض أهلاً مدارس في أرض المعارض بتوفر تخفيضات كبيرة على الأدوات المدرسية، وكمان الفجالة فيها كل المستلزمات بأسعار مناسبة، وفي أماكن زي الأزهر والغورية للي عاوز أسعار أقل وأشكال مختلفة.”
وقالت ولية أمر ثالثة: “اشترينا الكتب الخارجية بس عشان الدروس بدأت ولسه باقي المستلزمات، ربنا يقوينا”، فيما أضافت أخرى: “الشنط أسعارها عالية جدًا، لكن الفجالة فيها كل الاختيارات اللي تناسب الجميع.”
كما نصحت إحدى الأمهات بترشيد الشراء: “مش لازم نجيب كل حاجة جديدة، ممكن نستعمل الشنط والمقالم القديمة ونكتفي باللي محتاجينه فعلًا، زي الأقلام والكشاكيل الأساسية، ونتابع المكتبات اللي بتعمل تخفيضات، ويا ريت المدارس تراعي الظروف وماتطلبش حاجات زيادة عن اللزوم.”
