“محمد رمضان ظاهرة قدرية ونجاحه ابتلاء من الله”.. أبرز تصريحات عثمان محمد علي في “من مصر”

أثار الفنان عثمان محمد علي، حالة من الجدل بسبب تصريحاته خلال حلوله ضيفًا على برنامج “من مصر”.

وتحدث عثمان محمد علي عن الفنان محمد رمضان وفنانين آخرين

وينشر “البورصجية نيوز” أبرز تصريحات عثمان محمد علي في “من مصر”..

الفنان نور الشريف كان فنانًا عظيمًا ومبدعًا في عمله.

العمل مع الفنان الراحل نور الشريف كان حلو أوي، وكان بيريح الممثل اللي قدامه وبيديله فرصته.

شخصية “الحج متولي” كانت شخصية حقيقية لرجل يعيش في الإسكندرية، بالإضافة لقصة “عبد الغفور البرعي” المأخوذة من قصة قصيرة للكاتب إحسان عبد القدوس.

يُحسب لمصطفى مُحرم، مؤلف مسلسل عبد الغفور البرعي أنه صنع من هذه القصة عملًا عظيمًا.

ممثلين الزمن الجميل كانوا قدوة في كلامهم ولبسهم وأدوارهم، والمنتجين شافوا إن ده اتغير دلوقتي فمشيوا مع الموجة.

محمد رمضان ظاهرة قدرية ونجاحه ابتلاء من الله الراجل ده لا جري ورا حد ولا قالوهم شغلوني الدنيا جت لحد عنده وقالت له شبيك لبيك.

الناس كلها بتجري ورا محمد رمضان وهو مجريش ورا حد، مخدش فلوس حد، مأجبرش المنتجين على إنهم يدولوا فلوس، الممثلين بيجروا وراه عشان يشتغلوا معاه.

محمد رمضان لازم يرجع عن الأدوار السيئة ويكون قدوة حسنة للناس ويحسن صورته أمام الجمهور ويكون قدوة جيدة للجمهور ولبلده. الغلط مش على محمد رمضان ولكن المنتج بيشوف السوق عايز إيه لأن الأوضاع والأخلاق أتغيرت وبيمشي مع الموجة.

بشكر نقابة المهن التمثيلية رئيسا وأعضاء مجلس الإدارة لتكريم لقامات فنية كبيرة، وبعتير دا تكريم على مشواري الفني.