تصدرت الإعلامية رضوى الشربيني مؤشرات بحث جوجل خلال الساعات الماضية، وذلك بعدما حلت ضيفة على برنامج “أنا والقناع”، المُذاع على قناة “الحياة”، مع الإعلامية منى عبد الوهاب.
وإليك أبرز تصريحات رضوى الشربيني في “أنا والقناع”..
أنا عايزة راجل قوي وقادر.. علشان أنا ست قادرة وقدرة الرجل تكمن في تجنبه الأخطاء وصغائر العيوب ولازم يكون شخص ناجح – وأنا لست أنجح منه – وعنده طموح ويتقى الله في معاملة من حوله ووالده ووالدته أولا ثم أنا، ولازم يتوفر فيه صفات الحب الشديد والاهتمام والحنية والطيبة وخفة الظل ولازم يحبني أوي ويعرف يعاملني لأني صعبة أوي”.
الناس واخدة عني صورة أني المرأة الحديدية التي بلا مشاعر.
لحظة وفاة والدتي مثلت مرحلة فارقة زادت من تأثري وشعوري بالحزن.
لم أندم على زواجي السابق رغم انفصالي الزواج أثمر عن أحلى حاجة في حياتي وهم بناتي، لو هقارن بين الألم والوجع ضحية الانفصال وبين بناتي؛ أنا عايزة أتوجع كل يوم، ولو عاد بي الزمن هتجوزه تاني.
زواجي السابق كنت فاكرة أنه حب لكنه كان إعجاب شديد جدًا كنت وقتها فاكرة انه حب لاني مقدرش أتجوز شخص لا أحبه.
تم اقتصاص فيديو “الست غير ملزمة تبات في بيت زوجها، أنا استضفت داعية إسلامية وكنت بضحك على واحدة بتقول أن الست غير ملزمة تبات في بيت جوزها؛ أنا كنت بسخر من حديثها الفيديو، أتقص ونشر على مواقع التواصل الاجتماعي أنه كلامي، والفيديو انتشر بين الرجال على السوشيال الميديا، والرجالة سخرت مني بسبب الفيديو.. وحقهم، أنا كدا ست فاسقة مش معقدة
يتم تصويري على أني عدوة للرجال رغم أن هذا الأمر ليس صحيحا، انا دايما بوجه نصائح للمرأة عشان تعرف تعيش مع زوجها، ولما بتكلم في صالح الرجال بيتم قص من أجل تصويرها أنها تتحدث عن المرأة فقط وتهاجم الرجال.
فضلت أني متكلمش عن المتزوجية خلال الفترة الراهنة واتكلم عن المخطوبي بس عشان محدش يقول أني بسعى لإفشال قصص الزواج.
انى امرأة ده شرف وليس تهمة وانا حابة جدا اني امرأة ومكنتش أحب اتخلق راجل، أنا مكاني فوق القمر وأبقى قاعدة أبص على الناس تحت، وآخد كل اللي بحبهم معايا فوق القمر، بناتي وأخويا وأهلي وصحابي، وأدينا عايشين نعمل دوشة فوق القمر وعلى الأرض، وبحب أعمل دوشة في كل حتة”.
أنا مش عدوة الرجال أنا عدوة أشباه الرجال يعني اللى بيضرب مراته مينفعش يتقال عليه راجل، واللي بيشغل مراته بالسُخرة، وهو قاعد في بيته مش راجل، واللي بيعشم دي ودي بالجواز وما يوفيش مش راجل أنا جيت في الدنيا بسبب راجل وهو أبويا وسندي في الدنيا راجل هو أخويا، وطليقي راجل محترم.
