تصدرت الفنانة رحمة حسن مؤشرات بحث جوجل خلال الساعات الماضية، وذلك بعدما أعلنت عن إصابتها بالصلع.
ونشرت رحمة، صورة عبر حسابها على موقع الصور “إنستجرام”، لشعرها، وعلقت عليها قائلة: “شعري ابتدا يقع من الجذور ويقع أكتر بعد ما روحت عيادة في الزمالك والمفروض أنه أفضل حاجة موجودة.. كشفت وعملت التحليل المطلوبة كلها، كان شعري عادي خفيف تعبان لكن مش بيقع كام شعرة عادي”.
وتابعت: “بعد ما روحت وعملت التحليل الدكتورة قالتلي كلها تمام ممكن بس الحديد نازل شوية، ممكن ناخد حديد، وهنعمل بلازمة من دمك يعني حاجة كويسة وآمان مية في المية! أوكي .. طبعا .. المهم روحت وسألتني الدكتورة قبل البلازمة بعد سحب الدم! أخبار الضغط بتاعك إيه، قولت مش عارفة، قالتلي طيب المهم عملت البلازمة و ميزوثاربي!، مش بلازمة بس! الكارثة أنه حططلي حقنة مينوكسيديل مع الحقنة وعملتها بالميزوثاربي!”.
وأضافت: “وطبعا أنا معرفتش غير لما روحت البيت لأن كان ضربات قلبي غريبة وحاسة اني تعبانة ودماغي تقيلة، بشوف الفاتورة لقيته أنها حططلي مينوكسيديل بدون ما ترجعلي الأول وأنا كنت بس مفروض أعمل بلازمة فقط من دمي.. بس من ساعتها شعري بيقع كل يوم ومفيش بيبي هير بيطلع أصلا ولو طلع بيقع تاني على طول”.
وواصلت” “لو أعرف من الأول مكنتش روحت أبدا .. لأنهم حطولي حاجة أول مرة استعملها بدون ما يرجعولي الأول .. وفي حاجة مهمة زي دي كان عندي ثقة قبل ما أروح لكن طبعا بعد اللي حصل مروحتش تاني أبدا وشعري فضل يقع من ساعتها.. أكتر وأكتر وكل الناس عارفة انك لو استعملت المينوكسيديل مينفعش يتوقف.. و هم عملوا الكارثة دي بدون ما يقولولي الأول حتى، ومن ساعتها وأنا شعري ونفسيتي في الأرض”.
يُذكر أن الفنانة رحمة حسن شاركت فى بطولة مسلسل “إيجار قديم” للنجم شريف منير، والمقرر انطلاق عرضه على قناة ON غداً السبت الساعة 8 مساء، وتجسد رحمة خلال الأحداث دور زوجة الفنان حازم سمير ولديها منه طفل، ويعيشان فى العمارة السكنية التى تدور فيها معظم أحداث العمل.
