هاجمت الفنانة المعتزلة عبير الشرقاوي، نقابة المهن التمثيلية، من خلال نشر تعليقا عبر صفحتها الشخصية على موقع التواصل الاجتماعي لتبادل الصور والفيديوهات الشهير بالفيس بوك، بسبب تجاهلها اسم والدها المخرج المسرحي جلال الشرقاوي فى الاحتفالية الأخيرة للنقابة.
وكتبت عبير الشرقاوي قائلة : لما نقابة المهن التمثيلية تتناسى ذكر اسم رائد من رواد المسرح العربي جلال الشرقاوي، وتذكر كرم مطاوع وسعد أردش وسميحة أيوب وسهير البابلي، وتتناسى اسم الأستاذ جلال الشرقاوي في أغنية تامر حسني، يبقى النقابة خسرت كتير.
وأضافت الشرقاوي، إنها كانت تدرس المسرح في الجامعة الأمريكية عندما رشحها والدها المخرج الكبير جلال الشرقاوي للبطولة بدلًا من الفنانة الراحلة سهير البابلي، مضيفة: “كنت حاسة إن في زلزال بيحصل حوالي، خصوصًا لما لقيت الزعيم عادل إمام من الحضور، وفي نهاية المسرحية طلع على المسرح ورفع إيدي، وده إداني دفعة قوية جدًا”.
وتابعت الشرقاوي: “دلوقتي حياتي بسيطة، بهتم بابني وبحب أسمع تفسير القرآن، وأتفرج على المسلسلات، بس بشكل عام الحياة مش مريحة، خصوصًا بعد الكورونا وكل المصايب اللي بتقع حوالينا”.
كما عبّرت عبير عن حزنها لعدم تكريم والدها بالشكل اللائق رغم تاريخه الكبير، قائلة: “بابا كان بيقول الحق وما بيجاملش، وده مكنش بيرضي ناس كتير، عشان كده اتظلم في التكريم”.
واختتمت الشرقاوي قائلة: “في ناس بتحب تسمع نص الحقيقة.. بس بابا مكانش كده، وده اللي خلى تقديره أقل من اللي يستحقه فعلًا”.
