روت الفنانة نشوى مصطفى موقف إنساني مع الفنانة منة شلبي، وذلك بعد أزمة إلقاء القبض على الأخيرة وبحوزتها كمية من المخدرات.
وكتبت “مصطفى”، في منشور عبر صفحتها الشخصية على موقع التواصل الاجتماعي “فيس بوك”، “من حوالى ٢٠ سنة واكتر كنت مرشحة للمشاركة فى بطولة فيلم سنيما- نص رائع شركة إنتاج محترمة واخراج عظيم ومجموعة عمل شديدى الموهبة، كنت فرحانة جداً لان الدور كان ممكن يقدمنى بشكل هايل”.
وتابعت: “قعدت أذاكر الدور واحضر فيه فيه انتظار أوردر التصوير، وفجأة لقيت الفيلم بيتصور ودورى بتعمله زميلة تانية، طبعاً تعبت جداً نفسياً جداً، مش علشان معملتش الدور، علشان محدش كلمنى اعتذر لى أو بلغنى انهم استغنوا عنى”.
وأضافت: “تصرف انسانى بسيط بس كان حيطبطب عليا، انا ما اتصلتش بالمنتج ولا الاخراج اطلب منهم دور، هما اللي رشحونى وكان واجب يعتذرولى، المهم زميلة واحدة هى اللي كلمتنى وجبرت خاطرى وطبطبت على قلبى، قالت لى كان نفسى امثل معاكى لانى كنت حازيد، منتهى الطيبة والانسانية، الممثلة دى هى منة شلبى، ربنا يفك كربك ويجبر خاطرك ويطبطب على قلبك وينجيكى ويسترك”.
