كشف الفنان طارق لطفي ، عن تفاصيل مسلسله الكوميدى الجديد الذى يحمل اسم “مذكرات زوج ” ويخوض من خلاله الموسم الرمضانى 2023 .
وأعلن طارق لطفي في تصريحات إذاعية: «بشتغل حاليًا على مسلسل لايت اجتماعى سوف يتم عرضه فى رمضان باسم «مذكرات زوج»، يناقش قضية مهمة جدًا».
ويقتبس المسلسل من رواية بنفس الاسم للكاتب أحمد بهجت، ومن المقرر أن يقدم المعالجة الدرامية للمسلسل المؤلف محمد سليمان عبد المالك، حيث يتعاون عبد المالك ولطفى للمرة الأولى في مسلسلات رمضان.
وتحدث طارق لطفي عن كواليس مسلسله الأخير “جزيرة غمام” قائلا: «كنت هشتغل فى مسلسل تاني، وأستاذ عبد الرحيم كمال مؤلف العمل كان هو كمان هيشتغل على عمل تاني، والتقينا بالصدفة في الشركة المنتجة، وفي الجلسة قال إنه مش هيشتغل على المسلسل اللي معاه وعنده حدوتة تانية وهي قصة مسلسل جزيرة غمام، وأول ما سمعتها قولت أنا برضه مش هشتغل على المسلسل بتاعي».
وأضاف طارق لطفى : «أستاذ عبد الرحيم كمال حكاء شاطر، عشان كده قدرت أفهم حكاية المسلسل كويس وأفهم تركيب الشخصية، وأخدت دور الشيطان من سكة تانية مختلفة، وهو إنه شخص مش بيخوف بالعكس هو بيطبطب على أخطائك عشان تكمل فيها، وبكل اللطف والنعومة بيحبب للناس الأشياء الخطأ، ومن هنا كان مدخل الشخصية».
وأختم الفنان طارق لطفى :«اتعملت من محمود عبدالعزيز حاجة مهمة جدًا، وهى مهما اكتسبت خبرة، ومهما كنت فى درجة من درجات النجومية، لازم تجتهد عشان توصل للأعلى وتحافظ على المستوى اللى وصلت له، والجمهور المصري ذكي ذكاء فطري».
