تصدرت الفنانة هدى هانى، التي لعبت دور “جهاد” في مسلسل “ونيس”، مؤشرات بحث جوجل خلال الساعات الماضية،وذلك بعد حوارها مع الإعلامية منى الشاذلي في برنامج “معكم”.
وكشفت هدى هاني خلال الحوار كواليس تغيير اسمها بناء على طلب الفنان محمد صبحي خلال مشاركتها في مسرحية “الهمجي”.
وقالت هدى هاني: “هناء الشوربجي هي عمتى، وهي اللى ربتنى بعد وفاة والدي، وعشت معاها فى البيت، وكنت عايزة يبقى اسمى هدى الشوربجى من الأول، لكن أستاذ صبحى وإحنا بنعمل مسرحية الهمجى قال لى مش هيبقى هدى الشوربجى وهناء الشوربجى مش عايزين نظهر إن فى علاقة بينكم”.
وتابعت: “قبل مسرحية الهمجى كنت بحب التمثيل وهى عارفة ده عني، وكنت أعرف الأستاذ محمد صبحى من بعيد، وكانت الطفلة ليزا عاملة الدور فى المسرحية ومكسرة الدنيا وكنت بتفرج عليها وأنا عايزة أمثل، لغاية ما فى يوم قالت لى محمد صبحى عايز يشوفك، واشتغلت فى المسرح، وبقيت مع عمتى بصفة مستمرة”.
كذلك تحدثت هدى هاني عن علاقتها الوطيدة بالفنانة الراحلة سعاد نصر، قائلة: “كانت أمي وهى اللي علمتني الصلاة، وليا ذكريات معاها من أيام المسرح كنا ورا الكواليس بنقرأ القرآن قبل ما ندخل، كانت أمى فى الهمجى وأمى فى المسلسل، كانت أم فعلا بتخاف علينا، متدخلة فى خصوصيتنا ومذاكرتنا وأدتنا نصائح كتير وتوصيات كتير لسه محافظه عليها لغاية دلوقتى وهى اللى علمتنى الصلاة”.
