تصدر الفنان حازم إيهاب مؤشرات بحث جوجل خلال الساعات الماضية، بعد حواره مع الإعلامية عبير بسيوني، في برنامج “رمادي”، المُذاع عبر مواقع التواصل الاجتماعي.
وكشف حازم إيهاب تفاصيل وفاة ابنه، الذي رحل عن عالمنا في مارس الماضي بعد أيام من ولادته بعيب خلقي في القلب.
وإليك أبرز تصريحات حازم إيهاب عن وفاة ابنه..
عرفنا أن ابننا عنده مشكلة في القلب وزوجتي حامل في الشهر الخامس وفي حد في أمريكا قالي احنا عندنا هنا بننزله على طول.
أول ما عرفنا أن الطفل ولد عرفنا أن في غرفة من غرف القلب عنده مش شغالة فممكن نستنى شويه وقت وتشتغل.
حصلت على فتوى من الأزهر بجواز إجهاض ابني.
رفضت إجهاض ابني لان تفكيري أن اللى ربنا كاتبه هنشوفه.
مكنتش هسامح نفسي أني أنزله وأرجع أطارد نفسي بعدها بكام شهر وأقول أفرض كنت سبته يكمل مش جايز كان ربنا حط فيه معجزة.
ابني كان مكتوب له إنه ييجي الدنيا ويقعد معانا 13 يوم وهيروح للي خلقه تاني.
ابني ضمن الجنة من غير أي حاجة.
زوجتي لم تعلم بدخول ابننا غرفة العمليات لإجراء جراحة في القلب.
أخبرنا زوجتي أنه دخل الحضانة وبدأت أقولها المعلومات واحدة واحدة.
لقيت تليفون جايلي أنه توفى يعني، روح بقى لف لفة تصاريح الدفن وحساب المستشفى.
من سذاجتي كأول مرة أحضر الموقف ده، أول حاجة عملتها كلمت حد حجزلي قاعة عزاء، وبعدها اكتشفت إن الإطفال مفيش لهم عزاء.
من سذاجتي باخد يونس وهو يا حبيبي في الكفن، ورايحين نصلي عليه.
إمام المسجد قال يا حبيبي إحنا بنصلي على المتوفي عشان ربنا يخفف عنه ويرحمه، ده نصلي عليه ليه؟ إحنا نحاول نتمحك فيه عشان يدخلنا الجنة معاه.
إمام المسجد خد يونس مني وحطه مع نعش حد كان بيتصلى عليه برضو وروحنا مصليين عليه.
يذكر أن الفنان حازم إيهاب احتفل بزفافه في ديسمبر 2022، وسط حضور أسرته وأسرة عروسته “منه” وعدد من الأصدقاء.
وفي فبراير الماضي طالب الفنان جمهوره بالدعاء لمولوده الأول يونس، وبعد أيام أعلن وفاة نجله عقب خضوعة لعملية جراحية في مارس الماضي.
