أثارت الفنانة ميار الببلاوي جدلًا خلال الساعات الماضية، بعد تصريحاتها في برنامج “قعدة ستات”، بشأن أحد المشاهد الجريئة التي قدمتها في فيلم “ديسكو ديسكو”.
وقالت ميار الببلاوي إنها صورت المشهد الجريء مع الفنان عمرو عبد الجليل في فيلم “ديسكو ديسكو” في نهار شهر رمضان.
وتابعت: “لما رفضت تصوير مشاهدي الجريئة مع عمرو عبد الجليل قعدت أعيط، وكنت صغيرة وقتها حوالي 17 سنة، كنت رافضة أصوره لدرجة دخلت الحمام وفضلوا يخبطوا عليا، كنت مستنية بس المغرب يأذن، كنت بقول حتى لو هعمل حاجة غط ميكنش في الصيام أكون بس فطرت”.
وأضافت: “لما رفضت نجلاء فتحي بصتلي وقالتلي، بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني، يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلي كده عشان كانت عايزاني أصور المشهد، وقالتلي الموضوع مش محتاج أنك تعطلينا وتأخرينا ادخلي اعملي المشهد، ومافيش حاجة اسمها رمضان”.
وأضافت: “الفيلم معظمه اتصور في رمضان، وانا عندي عقدة من التصوير في رمضان، رغم أني كنت شابة ولسه بلبس وكده، ولكن مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي امشي البسي المايوه التاني”.
يذكر أن فيلم “ديسكو ديسكو” إنتاج 1993 بطولة نجلاء فتحي، صلاح ذو الفقار، محمود حميدة، شريف منير، عمرو عبد الجليل، وفاء عامر، عبد الله محمود، ميار الببلاوي، تأليف عبد الحي أديب وإخراج إيناس الدغيدي.
