شن عدد من رواد مواقع التواصل الاجتماعي هجومًا على مسلسل “علاقة مشروعة”، بسبب قصة المسلسل التي تقوم على خيانة ياسر جلال لصديقه مراد مكرم.
وتدور أحداث المسلسل حول طلاق مراد مكرم وزوجته مي عمر، ليتدخل صديق مراد مكرم لحل الخلافات بينهما ثم يتزوج جلال من مي عمر.
هجوم على مسلسل “علاقة مشروعة”
وكتبت إحدى النشطاء على موقع التواصل الاجتماعي “فيس بوك”، “مسلسل علاقة مشروعة ده علاقة معكوكة، شئ مقزز ومقرف وجريمة بتدخل تخرب عقول مشاهدين بمختلف أعمارهم” .
وتابع آخر: “انت بتعمل ايه يافنان، يعني بعد كل دة بتضرب الموسم وانا اللي كنت مستنية، ياسر جلال محتاج يركز في اختياراته أكتر عشان مايفقدش اللي وصله .. لانه بجد خلال كام سنة بيعمل نفس الكاركتر بنفس الطريقة و السيناريوهات ضعيفة اوى”.
وأضاف ثالث: “من أول المسلسل بندور في فلك واحد.. مطاردة مراد لمي، وعلاقة مي وياسر، هري كتير جدا، وفي مقابل التطويل ده، علاقة مي وياسر اتقلبت جدا وماخدتش مساحة عشان تقتنع بيها كمشاهد، وفي الحلقة الخامسة بيحاولوا يدوروا ع مبرر ليها، المسلسل قلب هندي جدا، ومواقف غير منطقية، وتصرفات عجيبة، ليه مي عمر عايشة في الفيلا، ايه اللي يخلي ياسر يروحلها وهما عارفين إن مراد بينط كل شوية، ايه الخط العجيب بتاع محمود فارس، وكله كوم ولما مي بايتة في بيت ياسر وداليا، فتنزله المكتب عشان تحب فيه، عشان واو يتعمل قفلة تخليني مستني، مشهد صعب يتعدى ويتقبل، حتى لو مكتوب بالحرف كده في السيناريو، فالتنفيذ سيئ جدا”.
وقالت آخرى: “شاهدت أكتر من مشهد لمسلسل علاقة مشروعة بطولة ياسر جلال ومى عمر، من اسم المسلسل علاقة مشروعة حبيت أدور على الشرعى في علاقة مي وياسر لقيت إن الشرعى دا ورقة عرفى بينهم ولما حب يكرمها أكتر أخدها عند المأذون فبقي جواز بمأذون مش بعقد عرفي، والحقيقة أنا حابه أحيي إللى إختار الاسم دا للمسلسل قبل ما أقول للقارئ الكريم كمل معايا باقى السطور، هحيي صاحب الاختيار للاسم لأنى طول الوقت في كل مشهد بيلح الاسم عليا مع إللى بشوفه فبلاقى مفارقة كبيرة وحالة غثيان تصل لحد الرغبة في التقيؤ من العلاقة ما بينهم، ياسر في المسلسل متزوج وعنده أولاد وزجته جميلة وبتحبه،الأشد إثارة للقرف إن زوجته صاحبة مى عمر الأشد إثارة لكل تعبيرات الإشمئزاز ولكل عبارات الاستحقار إن مى بيحبها صديق عمر ياسر وشريكه في الشركة وتزوجها وهى كانت بتحب ياسر وطلقها وياسر اتجوزها من وراه ومن غير علم مراته ولا علم حد”.
مسلسل “علاقة مشروعة”
مسلسل علاقة مشروعة بطولة ياسر جلال ومى عمر وداليا مصطفى ومراد مكرم، بسنت شوقى، عفاف مصطفى، ياسمين رحمي، وردشان مجدى، وعدد آخر من الفنانين، والعمل من تأليف سماح الحريرى وإخراج خالد مرعى وإنتاج مشترك بين شركتى “Forever Drama – مها سليم” و”media Hub – سعدى جوهر”.
