كشفت الفنانة رنا سماحة، تفاصيل انفصالها عن زوجها الملحن سامر ابو طالب، خلال تصريحات لبرنامج “أوضة ضلمة”، عبر شاشة “هي”.
وقالت رنا سماحة” انفصلت وأنا حامل، ثم عدنا ووضعنا شروطا للعلاقة بيننا، متابعة: “كل واحد فينا مختلف وكان عايش بطريقة مختلفة ومش عايز الطرف التاني يأثر أو يسيطر عليه أو يغير فيه حاجة ولما حطينا الشروط عشان نكمل ده محصلش”.
وتابعت: “كنت حاسه إني لوحدي وبشيل مسؤولية نفسي، أحيانًا كان بيساعدني، أنا وسامر اتجوزنا بسرعة رهيبة مكنش في بينا قصة حب كبيرة، مهما كان صاحبي قفلة البيت حاجة تاني على الشخصين”.
وعن سبب رفعها قضية خلع على طليقها، “معرفش ليه مكنش ليه عايز يطلق وديًا، ممكن مكنش عايز يديني حقوقي، قعدت شهور في بيت أهلي مبيصرفش عليا ولا على ابنه، وبشتغل وربنا يكرمني وطول عمري شخصية مسؤولة، أنا تنازلت عن كل اللي يخصني لكن ابني لأ” .
واوضحت أنها تنازلت عن كل حقوقها مقابل الانفصال عن زوجها، لكنها لا يمكن أن تتنازل عن حقوق ابنهما.
وتابعت أنها لم يكن لديها أمل بالعودة لزوجها لأنها لم تكن لديها رغبة في ذلك من الأساس.
واشارت إلى أن محاولاته للعودة إليها لم ترق إلى الشكل الذي تستحقه، مؤكدة أنه لا يوجد أي تواصل مع أهله بعد الانفصال بينهما.
وواصلت: “اهله محدش يعرف عني حاجة من بعد الانفصال- كانوا بيشوفوا حفيدهم لما بقوله تعالى خد مالك ، واتصدمت لما رفع قضية رؤية وهو بيشوف الولد وهو قاعد عنده في البيت، معرفش مين مصلحته يعمل كده لكن بيقووه ، على الغلط، ولو حاول يرجع مستحيل أرجعله”، لافتة إلى أنها هي التي تطلب منه أن يرى ابنهما.
وكانت رنا سماحة قد أعلنت في مطلع يناير الماضي، طلاقها رسميًا من زوجها الملحن سامر أبو طالب، قائلة: “اللهم لك الحمد.. تم الانفصال رسميا بينى وبين أبو ابنى متمنية له التوفيق فى حياته القادمة”.
