ارتفاعات كبيرة شهدتها أسعار الطماطم خلال الأيام الماضية، إذ وصل سعر الكيلو إلى ٣٠ جنيهًا، ليعلو صوت المواطنين بالشكوى من ارتفاع أسعارها، خاصة أن الطماطم من أساسيات الطعام عند المصريين.
“كيلو الطماطم” يتصدر “إكس”
وتصدر هاشتاج “كيلو الطماطم” موقع التدوين إكس “تويتر سابقًا”، إذ أعرب عدد كبير من المغردين عن غضبهم من ارتفاع أسعار الطماطم.
وكتب أحد المغردين، “حتي كيلو البطاطس ونص كيلو الطماطم اللي بنعشو بيهم الولاد بقو رفاهية ومش قادرين حرفيًا نجيبهم، طب ارفعوا معاش الإعاقه وتكافل وكرامة على الأقل للغلابه اللي أنا أولهم من ٦٠٠ جنيه لمبلغ يكفينا لأكل الولاد”.
وتابع آخر: “المشكلة مش فى كيلو الطماطم بس المشكلة فى كل حاجة 2 كيلو فاكهة 100 جنيه النظيفة 2 طماطم و2 بطاطس 120 شوية خضار جرز فلفل رومي خيار وطبعا الخضرة فى مكان دلوقتى 150 جنية يعنى شوية حاجات يومين بـ500 جنية دة غير البقالة و البروتين قصة حزينة كل يوم بتكبر”.
وأضاف ثالث: “كيلو الطماطم بقى بـ٣٠ لحلووح”.
وقال آخر: “كيلو الطماطم تجاوز سعره سعر كيلو المانجه، ولاننسى كمان سعر كيلو الخيار اللي وصل لـ٣٥جنيه، وسلم لي ع البتنجان، ولا ننسى المثل الشهير القرع لما استوى قال للخيار يالوبيا، شر البلية ما يضحك”.
