وسط الحزن الذي يملأ محافظة المنوفية بعد كارثة الطريق الإقليمي، وقف والد ميادة، إحدى ضحايا الحادث، يتحدث عن ابنته بكلمات تحمل الوجع والفخر في آنٍ واحد.
“بناتنا عاشوا وماتوا مرفوعين الرأس”
قال الرجل المكلوم، وهو يحاول حبس دموعه”ميادة كانت بنتي وسندي، نازلة تشتغل بالحلال علشان تساعد في البيت وتجهز نفسها.. ما كانتش بتطلب كتير، كانت بتحاول تشيل عنّا، وتشيل نفسها.”
ميادة كانت من “صبايا العنب”.. خرجت بكف الأمل
ميادة، شابة من مركز قويسنا، كانت من بين عشرات الفتيات اللي خرجن فجراً للعمل في جمع العنب، ضمن ما يُعرف محليًا بـ”صبايا العنب”.
قال والدها:”بنتي كانت زيها زي غيرها من البنات، نازلين عرقانين على لقمة حلال، ما مدّوش إيديهم لحد.. دول عايشين بالحلال، وماتوا مرفوعين الرأس.”
بدل الفرح.. كفن أبيض
كانت ميادة تحضر نفسها لكتب كتابها، وتحاول توفّر أي حاجة تساعدها في التجهيز، لكن الموت كان أقرب من الفرح.
والدها أضاف“مافرحتش بيها، بس فخور إنها ماتت وهي بتشتغل، مش ماشية في طريق غلط ولا سايبة بيتها عالفاضي.. كانت بتحارب الظروف.”
