هجوم كبير شنه رواد مواقع التواصل الاجتماعي على الفنان بيومي فؤاد بسبب تصريحاته عقب انتهاء واحدة من ليالي مسرحيته الجديدة “زواج اصطناعي” والتي تُعرض حاليا ضمن فعاليات موسم الرياض في المملكة العربية السعودية، والتي اعتذر عن المشاركة فيها الفنان محمد سلام بسبب الأحداث في غزة.
ووجه بيومي فؤاد التحية للفنان محمد أنور، مؤكدا أنه أنقد موقف بقبوله المشاركة في العمل قبل ساعات من انطلاقه.
وتابع: “من حق الفنان أن يعتذر عن عدم المشاركة في العمل ولكن ليس من حقه أن يغلط في فنه”.
وأضاف: “بنشكر دعمكم وبنشكر مساندتكم لأنور ولينا أنا فنان مصري وليا الشرف، اسمحولي أشكر معالي المستشار تركي آل الشيخ لوقوفه الدائم جانبنا، وأشكر الدكتور راكان وكل رجال صلة وعلى رأسهم صديقي عدنان الكيال، المسرحية إنتاج اتنين لسه مقبضوناش لحد دلوقتي محمد نصار وصلاح الجهيني، تأليف وإخراج عيل ولا له لازمة محمد محمدي.
واستكمل: “جيت المملكة العربية السعودية وليا الشرف عشان نقدم فننا، مش جايين نضحك احنا جايين نقدم فننا، احنا بنحترمكم وانتم بتحترمونا، شيء عظيم إن الفنان يكون له جمهوره في كل الدول، شيء عظيم إني أخرج اتصور مع شاب سعودي أو سيدة سعودية وهي تعلم اني مصري أنا بشرف بلد، من حقك انك تعتذر عن المسرحية لكن مش من حقك انك تغلط في فنك، إحنا بنقدم فن بنتعب ونشقى عشان نقدم فن مش عشان نيجي نضحك، لو الموضوع كده يبقى فيه فنانين من أيام نجيب الريحاني لحد محمد أنور المفروض ينتحروا، أقسم بالله احنا مش بتوع فلوس والله العظيم مش بتوع فلوس، العرض ده لو قعد 15 يوم تاني بدون أجر، سيادة المستشار يعلم احنا يبقى لينا الشرف ونبقى فرحانين جدا، تحياتي لحضراتكم وأنا آسف، إحنا اتظلمنا واتهانا واحنا جايين نقدم فن.
وشن رواد موقع “إكس” هجومًا على بيومي فؤاد، حيث كتب أحد المغردين: “بيومي فؤاد نص ساعة كاملة بيلقح علي سلام، واقف علي رجله نص ساعة يبرر لنفسه ولفريق الممثلين اللي معاه أنهم مش زي سلام وبيحترمو فنهم مش عشان الفلوس وكده وفي الآخر طلع محمد أنور اللي راح مكان سلام، لقدام وقال كل الاحترام للراجل اللي كان قد المسؤولية أشياء بسيطة تخليك تعرف إنه موقف”.
في حين طالب البعض بمقاطعة بيومي فؤاد ومحمد أنور، حيث كتب أحد المغردين: “مقاطعة بيومى فؤاد و محمد أنور في أى عمل فني واجب على كل حر شريف”.
وتابع آخر: “شيء مش مهم بس هعلنه للناس، لحد ما أموت ويفتكرني ربنا، مش هحضر أي عمل فيه محمد أنور وبيومي فؤاد حتى لو كانو مش أبطال حتى لو كانو في دور شرف، حتى لو كان أبويا هو بطل العمل مش هتفرج عليه”.
