تصدرت الفنانة لقاء الخميسي، قائمة الأكثر تداولًا على موقع التدوين إكس “تويتر سابقًا”، وذلك بعدما ظهرت في مقطع فيديو تعرب فيه عن غضبها من ارتفاع الأسعار، بعد شراؤها زجاجة زيت زيتون بـ1200 جنيه.
وظهرت لقاء الخميسي في مقطع فيديو، قالت فيه: “ارحموا الناس الحاجة غليت، بجد سؤال أول مره اتكلم في الموضوع ده، هو احنا رايحين لحد فين رايحين لحد فين بجد، لما إزازه زيت الزيتون الصغيرة دي بـ1205 و95 قرش يعني 1206.. إيه بقى بجد إيه اللي فاضل يعني، أنا سبت مجموعة كبيرة من الزيوت والزبدة وكل شيء أكل بإيه بمايه ولا أعمل إيه؟”.
وتابعت: “سيبكم مني خالص أنا مش مهم أنا بتكلم في حاجة مش عايزاها باقي الحاجات الناس عايشة إزاي، ما أنا برده عايزه أعرف الناس بتجيب الحاجات إزاي، الحاجة غليت”.
وعلق المغردين على فيديو لقاء الخميسي، حيث كتب أحدهم: “لقاء الخميسي بتقول إنها مصدومة من سعر إزازة زيت الزيتون اللي راحت تشتريها لقيتها بـ ١٢٠٥ج و٩٥ قرش، تقريبًا تجازوت البصل والسكر والأرز واللحمة والفراخ”.
وأضافت أخرى: “الأسعار متفاوتة بشكل رهيب، فده مش عرض وطلب وسوق حر دي فوضي”.
وقال ثالث: “طيب أنا مع لقاء الخميسي في اللي عملته، هي بتعترض فعلًا علي مغالاة مش طبيعية، وإحنا فعلًا واقعين تحت ضغط سوقي ومفيش ضبط للأسواق، معندناش حل غير أن صوت الناس يوصل بالاعتراض على اللي بيحصل، يا الناس تتعدل والشركات تسعر منتجاتها والرقابة تشتغل، يا هنفضل في نفس الاستغلال طول حياتنا”.
