أثار الفنان حسن الهلالي الشهير بـ”شنبو” حالة من الجدل، خلال الساعات الماضية، وذلك بعد تداول رواد مواقع التواصل الاجتماعي مقطع فيديو له وهو ينفعل على المنظمين، أثناء تواجده في مهرجان القاهرة السينمائي.
انفعال حسن الهلالي في مهرجان القاهرة السينمائي
وأدى انفعال الفنان حسن الهلالي إلى محاولة الأمن لطرده من المهرجان بسبب إثارته الجدل بحديثه عن النجم حسين فهمي.
وقال حسن الهلالي، في الفيديو الذي تم تداوله على مواقع التواصل الاجتماعي، “يتجاهلوني ليه حرام عليكم، أنا فنان معروف وشنبي ده تاريخ، بنشط بيه السياحة بروح الأهرامات وأنشط السياحة”.
وتابع: “لواحد يسافر بره ويسيب بلده بقا، مدام مش عارفين مين الفنان هنا، أنا بطرد من الأوبرا، عيب اللي بتعملوه مع حسن الهلالي”.
وأضاف: “أنا جيت المهرجان عشان اعتذر للفنان حسين فهمي وأقوله أنا بحبك، وأقوله إني روحت أعزيه في أخوه ولف وشه الناحية التانية قرفان مني، بتعاملوني كده ليه حرام عليكم أنا راجل نجم معروف أنا مش من الشارع”.
فريدة سيف النصر تشن هجومًا على الفنان حسن الهلالي
ومن جانبها، شنّت الفنانة فريدة سيف النصر هجومًا حادًا على حسن الهلالي،
وكتبت فريدة من خلالها حسابها الشخصي بموقع “فيس بوك”: “بلطجة في محفل دولي رسمي، اللي حصل من الممثل الهلالي في مهرجان القاهرة وعلى الريد كاربيت شيء بلا شك مأجور جدًا مهما حاول أي حد ينفي”.
وتابعت: “إنت في الفيديوهات بتقول في العزاء مارضيش يبوسك، يبوس مين وفين، إنت أصلا مركب أسلاك شائكة على وشك، هو في إيه بالظبط”.
وأضافت: “يا حظك إني مكنتش هناك، وبعدين تروح المهرجان تعمل الحبة دول، إيه دخل العزاء في المهرجان، المفروض إنت ذكي والباقي أغبياء”.
وواصلت: “نختصمك عند النائب العام، إنت قليت أدبك على رئيس مهرجان القاهرة الدولي أولًا ودي كارثة في مكان عمل، وثانيًا النجم الخلوق حسين بك فهمي واضح الجهة اللي زقاك جدًا”.
واستكملت: “نرجو من السادة المسئولين عقاب رادع ومن نقيبنا المحترم التصرف العاجل، بلا قلة قيمة، والصوت العالي مش عندنا الكلام ده ولا بياكل، وفي مهرجان دولي كمان وكل ده علشان الحلو عايز يتباس”.
واستطردت: “ومن أمن العقاب أساء الأدب، بلا قلة تقدير وبلطجة، ده تصرف تحت بند بلطجة في مكان عام، وفيه فنانين وصحفيين أجانب، بتصدر إيه يا هلالي للخارج، الناس تخاف تيجي عندنا؟ لاااا خاف إنت وخاف بجد، أنا غضبانة جدًا واتقي شر الحليم”.
