تصدر الفنان أحمد السقا موقع التدوين إكس “تويتر سابقًا”، وذلك بعد رسالة وجهها إلى الفنان كريم عبد العزيز.
ونشر السقا، صور تجمعه مع كريم عبد العزيز عبر حسابه على موقع التواصل الاجتماعي “فيس بوك”، وعلق عليها قائلًا: “قاعد وصاحى بدرى ولقيت نفسى عايز أقول كلمه فى حق أجمل وأجدع صاحب قابلته في حياتى، من وإحنا عيال صغيرين أنا كنت عايش في شارع شهاب وهو عايش في العجوزة، والقدر ربطنا ببعض ومن يومها واحنا أكتر من الأخوات”.
وتابع: “ربنا يخلينا لبعض لأنه بجد راجل وجدع ومتربى وابن ناس وطول عمرنا مابنقولش لبعض غير ازيك يا صاحبى، عامل ايه يا صاحبى، أو مبروك يا صاحب، وحقك عليا انى أقولك ربنا يخليك ليا يا صاحبى، صاحبى واخويا اللى بجد كريم عبد العزيز…..رقبتى ليك يا صاحبى…. كلمة حق فى حقك يا صاحبى”.
واختتم كلامه قائلًا: “ملحوظة عشان الناس اللى بتصطاد ف الميه العكره دي الصورة اللى كريم كسب بيها جوى أورد وفى كل الحالات صاحبى قمر”.
وأشاد المغردون على “تويتر” بأحمد السقا، حيث كتب أحدهم: “أحمد السقا إنسان عارف يعني ايه جدعنة وعيش وملح لواحد قليل عليه كلمة راجل وصاحب صاحبه بجد انه كريم عبد العزيز ياجماعة”.
وتابعت أخرى: “شخصيتان مميزتان فنًا وخلقًا ووطنيًا…ومثال يجب أن يحتذي به…اقصد الفنان المتمكن أحمد السقا…والفنان المميز المبدع كريم عبد العزيز…أصحاب الفن الهادف المبدع المميز”.
