تصدرت الفنانة فريدة سيف النصر مؤشرات بحث جوجل خلال الساعات الماضية، وذلك بسبب منشور كتبته على موقع التواصل الاجتماعي “فيس بوك”.
منشور فريدة سيف النصر على الـ”فيس بوك”
وقالت فريدة سيف النصر في منشورها: “أنا زعلانة علينا كلنا أوي..المصريين أحلى وأطيب وأجدع من كده بكتير..خفة دم وكرم وذوق..إيه اللي حصل..ليه بنستخبي ورا شاشات وننزل نحرا في رقاب بعض”.
وتابعت: “الكلمة القاسية بتذبح..بقينا نكديين مانعرفش نفرق بين جد وهزار كله عايز يتخانق مع كله..إيه ده..وكل يوم يعاملوك بوش أو حسب المصلحة”.
وتساءلت: “في إيه؟ بعض الناس ماسكين الفنانين وكأن في تار بلا أسباب، دي عجزت ودي كرمشت ودي غيرت دينها، وده دمه تقيل، وده كبر في السن لكن بيغني، وده بيرقص كونغرو، وده اتكسح ودي روحي موتي”.
وأضافت: “كفاية.. عيب بتقولوا كده لأهاليكم؟، ما كل العالم وانتم بعدين لازم تكبروا دي سنة الحياة..مالكم في ايه بجد..هما الناس دي ما أسعدكمش أعمالهم فترات من الزمن..طيب بلاش انت مابتحبوش فلان غيرك بيحبه”.
واستكملت: “في ايه ياجماعة تحسوا مخطط لهدم الفنانين، القوي الناعمة اللي فاتحين بيوت 14مليون، متخيلين، كل المهن شغاله معانا تحت أيديهم كام عامل واسطي، كل واحد فيهم عنده أهل وزوجه وأطفال، وفي اللي جوز ولاده وعندهم بيوت مفتوحه”.
واستطردت: “بتحاربوا تمن عدد البلد في أكل عيشهم، أقرءوا كده المسلسل بيتكتب ناس قد إيه عمالة في كل المجالات من أول مؤلف لحد السواقين في العمل مسلسل واحد ممكن يشغل خمسة آلاف حد مش هزار، شوفوا الأسماء وقولولي”.
واختتمت كلامها قائلة: “كفاية هدد في الفن..الوحش انقدوه بأدب والكويس شجعوه..إنما تسهتزءوا بفنانين كبار ليه يعني ..علي فكرة أنا عارفة أنها لجان مستهدفة الفن المصري..والفن عموما ماهو العربي بيصب هنا .هاه قررتوا إيه ..هانشتم من ورا الشاشة ولا هانقول كلام نصح حلو ياباشا”.
سخرية رواد مواقع التواصل الاجتماعي
وسخر رواد مواقع التواصل الاجتماعي من تصريحات فريدة سيف النصر، خاصة تصريحها بأن الفنانين يفتحون بيوت 14 مليون مواطن.
وكتب أحد النشطاء: ” بس 14 مليون شخص بيشتغلوا فى الفن ؟!، يعنى لو فى مصر 70 مليون فى سن العمل ، الفن مشغل خمسهم ؟! .. مش وسعت شوية ؟، امال بيقولوا مافيش شغل ليه اذا الفن لوحده شايل الخمس ؟!”.
وتابعت أخرى: “بس أنتي عديتي الـ14 مليون أمتى وازاي انتي شغاله في تعداد السكان ولا في السجل المدني”.
وأضاف ثالث ساخرًا: “هو حد هيعد وراكي”.
وقال آخر: “و١٠٤ مليون مصري فاتحيين بيوتكم برضه”.
يذكر أن الفنانة فريدة سيف النصر شاركت مؤخرا في مسلسل “موسى”، الذي عرض في رمضان 2020، بطولة: محمد رمضان، سمية الخشاب، عبير صبري، سيد رجب، رياض الخولي، عارفة عبد الرسول، هبة مجدي.
