بعد أشهر من أزمة الفنان بيومي فؤاد مع الفنان محمد سلام، بسبب اعتذار الأخير عن مسرحيته في “موسم الرياض” تضامنًا مع الشعب الفلسطيني، وتقديم بيومي فؤاد المسرحية والدفاع عنها مما ادى إلى تعرضه إلى هجوم كبير.
بكاء بيومي فؤاد
تحدث بيومي فؤاد عن تلك الأزمة خلال لقائه، أمس الجمعة، مع الإعلامية أسما إبراهيم في برنامج “حبر سري”، المُذاع على “القاهرة والناس”، ودافع عن الفنان محمد أنور الذي قام بدور سلام في المسرحية.
وأجهش بيومي فؤاد بالبكاء عند رؤيته صورة الفنان محمد سلام بأحد فقرات البرنامج ولم يتمالك دموعه وعلق عليها: “ربنا معاك”.
وتابع: “لو نقينا سؤال هنقول إزاي؟، ازاي ماتطلعش تدافع عننا، إزاي ماتطلعش تدافع عن محمد أنور وهو ترشيحك وحقك عند ربنا أنا صدقتك جدًا، وانت قلت في الفيديو بتاعك لا نفاق ولا رياء، وانا وجهة نظري العبيطة عشان أنا راجل طيب ماكنتش هتخسر حاجة لو طلعت قلت أنا مقدرتش، ومش معنى أنور قدر وراح يحصل معاه كده يا جماعة، خصوصًا أنك طلعت تدافع عن أمير كرارة لما طلعت إشاعة بتقول أن أمير مشاك من المسلسل بتاعه، وانت ماكنتش معاه في المسلسل طلعت دافعت، طلعت دافعت عن أحمد الجنايني لما طلعت إشاعة واتشم بأهله طلعت دافعت ليه مطلعتش تدافع عن أنور مش عني”.
وأضاف: “ده اللي كنت مستنيه منك والرزق على الله هي موتة ولا أكتر، العمر واحد والرب واحد يا أستاذ سلام لكل اللي شتموا وكل اللي فاهمني غلط، وأنا غلط بس راجل وأطلع في كل برنامج أقول كده ومعاكم للاخر”.
واستكمل: “أنا كبير محمد سلام وأنا المرجع بتاعه وكلمته لما اعتذر عن المسرحية وقاللي أنا مش قادر أنت شايف الأطفال اللي بتموت.. وقولتله بدعي ليهم قبل ما بدعي لأولادي وده أكل عيش وفي ناس كتير بيوتهم مفتوحة من الحاجات دي”.
وواصل”: “طلبت إني مقابلش محمد سلام في كواليس مسلسل الكبير 8، وفي مشاهد اتعاد كتابتها عشان منتقابلش.. وهو اتسبب في اللي حصل لـ محمد أنور ومطلعش دافع عنه، وأنا كنت محروق على أنور واللي شتمني هنتقابل في المحاكم ومش هشتم حد.. وعشت أصعب 5 أيام في حياتي كنت أنا ومراتي في السعودية وأولادي كانوا في مصر، واكتشفوا إن المقربين مننا بيشتموا فيا وده كان صعب علينا، وأنا فرحان إني عيطت.. وإحنا بتوع فلوس.. شالوا جملة أنا فنان مصري وليا الشرف.. بكرة هيبان الحق أي دفاع عن نفسي هيكون إدانة لـ محمد سلام”.
واستطرد: “محصلش ضغط من الجانب السعودي عليا علشان أقول الكلام اللي قولته على المسرح، وناس من الجانب السعودي رفضوا أتكلم وقالوا ليه ومراتي أيضا رفضت، بس أنا صممت أتكلم لإني كنت مولع وصممت أكتر علشان محمد أنور”.
واختتم كلامه قائلًا: “العمر واحد والرب واحد لكل اللي شتمني وكل اللي فاهمني غلط أنا غلط بس راجل، وأطلع في كل برنامج أقول كده ومعاكم للاَخر، أعتذر لكل اللي زعلوا مني وبكرة تعرفوا الحقيقة، أعتذر لكل فريق مسرحية زواج اصطناعي علشان اتشتموا واتهانوا بسبب الفيديو بتاعي، باعتذر لمي عز الدين ودنيا سامي وإيمان السيد ومصطفى غريب، ومحمد محمدي وسليمان عيد ومحمد أنور، بس فيه بنات محترمات طالها شتيمة قذرة”.
