بعد السخرية من تغير ملامحها.. فنانون يدافعون عن هيفاء وهبي

أثارت الفنانة هيفاء وهبي جدلًا خلال الساعات الماضية، وذلك بعد تداول صور لها من حفلها بموسم الرياض، تظهر تغير كبير في ملامحها.

وظهرت هيفاء وهبي في الصور بملامح صادمة، مما أثارت تساؤلات الكثيرين عن حقيقة تشوه ملامحها بسبب عمليات التجميل، في حين سخر البعض من ملامحها.

وحرص عدد من الفنانين على دعم هيفاء وهبي بعد “التنمر” عليها على صفحات مواقع التواصل الاجتماعي..

ومن جانبه نشر حمو بيكا، صورة له عبر صفحته على موقع التواصل الاجتماعي “فيس بوك” بصحبة الفنانة هيفاء وهبى.

وعلق على الصورة قائلًا: “مهما بتكبري بتحلوي.. في عنيا أنا شايفك مزة”.

وكتبت الفنانة سارة نخلة، عبر حسابها على موقع التواصل الاجتماعي “فيس بوك”، “معروف عني اني بحب الجمال وبحب اشوف نفسي حلوة حتى لو فالبيت وبحب البنات الحلوة، ودايما بسعىى اني أحافظ على شكلي ومظهري وبحب اللي بتعمل كدا ولما بيسألوني بجاوب أنا عملت إيه وفين وكل حاجة”.

وتابعت: “عمري ما كدبت في أي حاجة عملتها، عشان عندي ثقة بنفسي ومش مضطرة أكدب خالص، ويمكن أنا أول واحدة عملت مناخيري وطلعت اتكلمت ودا من ١٢ سنة، ويوم ما عملت زرع شعر فحواجبي وشلت التاتو المقرف طلعت واتكلمت وصورت العملية كلها، وبالرغم من دا كله أنا ماجيش 10% من جمال هيفا وشياكة هيفا وذوق ورقة وهضامة والروح الحلوة وخفة دم هيفا ولا أنا ولا أي حد بيتريق عليها”.

وأضافت: “أنا لو وصلت لـ10% من جمالها أبقى أنا جامدة جمدان ماحصلش، يا صفرا منك ليها انتوا مين؟؟، دي icon دي diva، دي فحتة لوحدها ولا في واحدة استجرت تقربلها أصلا”.

ووجهت كلامها إلى الساخرين من هيفاء، قائلة: “يا صفرا اللي هدوم فرحك بعد سنة من الجواز مش بتدخل فيكي أصلا، يا صفرا ياللي لما يبقى عندك خمسين سنة تقولي عليه سن اليأس، وتبتدي تصلي وانتي قاعدة، كفاية حقد وغل كفاية بقا. مرة ميرڤت أمين ومرة هيفا ومرة أصالة”.

واستكملت: “انتو مين أصلا جنب النجوم دي.. انتو اصلا لو معاكوا فلوس أقسم بالله هاتعملوا تركيب راس جديد وجسم جديد، ربنا يكرمكو ويرزقكو يمكن تبطلوا غل، آه بالمناسبة الصور دي مش حقيقية وهيفا فالحقيقة أجمل من الصور بكتيييييير… ياريت تعرفوا يعني إيه إضاءة وتصوير وزوايا محددة قبل ما تعملوا فيها محللين وخبراء تجميل”.