تعرض كريم فؤاد، لاعب الفريق الأول لكرة القدم بالنادي الأهلي، للإصابة بقطع في الرباط الصليبي، أثناء لعب مباراة سموحة الأخيرة بالدوري ،ضمن مؤجلات الجولة 24 لبطولة الدوري المصري، وذلك بعد خروجه مصاباً في الدقيقة 12، والتي توج بها الفريق ببطولة الدوري بعد الفوز بهدف من دون رد.
ووجه لاعب الأهلي رسالته لجماهير الفريق عبر صفحته الشخصية عى موقع التواصل الاجتماعي “فيس بوك” قائلاً: كل خسارة دُونَ الجنة ، فهي دُون 
وأضاف: اللهم لك الحمد كما ينبغي لجلال وجهك وعظيم سلطانك ، الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها ، ودا بيكون إختبار ليك هتعمل أي في الموقف دا ، وإن الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمة أوي مقابل إني أصبر على الإبتلاء دا .
وتابع: أنا كان مكتوبلي إصابة في الرباط الصليبي للمره التانية، بس عندي إحساس تاني خالص مع الإختبار دا ، إنه أنا في نعمة كبيرة أوي وإن الحمدلله ربنا رزقني بإختبار سهل وهين أوي مقابل إبتلاءات ناس ثانية أصعب من دا بكتير ، وكمان إختبار مش جديد عليا بَعيده للمرة التانية في وقت قصير وهعرف أتعامل معاه بشكل كويس ويمكن أحسن .
وقال: عشان كدا بحمد ربنا أن الإبتلاء اللي هاخد عليه أجر كبير وعظيم مش بالصعوبة القاسية اللي توجعني وتهدّني .
وأختم: وأنا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء،الحمدلله مستعد للإختبار ومتحمس شوية وقت وهنرجع نحارب من تاني، أشوفكم على خير قريب.
