نفت الفنانة لوسي التصريحات المنسوبة لها بشأن الفنانة عايدة رياض، وذلك خلال لقائها مع الإعلامية بسمة وهبة في برنامج “العرافة”، المُذاع على قناة “المحور”.
وأكدت لوسي إنها لم تقل إن الفنانة عايدة رياض “راحت عليها”، والتصريحات المنسوبة لي ليست صحيحة على الإطلاق.
وخلال الحلقة، عرضت بسمة وهبة مقطع فيديو للفنانة عايدة رياض، توجه فيه رسالة لـ لوسي قائلة:” انتي أكبر مني ودخلتي الفن وأنتي كبيرة وأنا متاكدة إنك مقولتيش التصريحات دي”.
ومن جانبها، ردت الفنانة عايدة رياض على كلمات لوسي في “العرافة”، حيث كتبت عبر صفحتها الرسمية على موقع التواصل الاجتماعي “فيس بوك”، “لوسي يا حبيبتي.. أنا كنت عارفة طبعا ان مش انتي الي تقولي الكلام ده”.
وتابعت: “أنتي فاهمة طبعا في كلام بيطلع علي لساننا كفنانين، ودايما بيحاولو يوقعوا بيننا عشان خاطر يعملوا مشاكل و يولعوا الدنيا، وبعدين أنا في الفيديو بتاعي اللي أتعرض في الحلقة أنا قولت جملة بس هما شالوها ليه معرفش”.
وأضافت: “أنا قلت لو هيا قالت الكلام ده و انا معتقدش انها قالت الكلام ده.. في النهاية طبعا الاستاذة لوسي فنانة عظيمة و فنانة جميلة جدا جدا و ليها كل الاحترام و التقدير و حصل خير و مفيش اي حاجة و انتي لسة صغنطوطة و قمراية طبعا مقصدش”.
