أثارت مراسلة فضائية “دي إم سي” أميمة بدري حالة من الجدل على مواقع التواصل الاجتماعي، وذلك بعدما كشفت أنها فقدت النطق بسبب تعرضها لأزمة نفسية.
ونشرت أميمة بدري، أمس السبت، مقطع فيديو قصير عبر صفحتها الرسمية على موقع التواصل الاجتماعي “فيس بوك”، ظهرت فيه وهي تحاول التحدث لجمهورها للاطمئنان عليها.
وتحدثت بصعوبة خلال الفيديو، قائلة: “أنا تمام بس أدعو لي”.
ومنذ يومين، كتبت أميمة منشور تستغيث فيه قائلة: “أنا محتاجة حد يساعدني ارجوكم أنا فجأة فقدت النطق مش عارفه أنطق ولا اتكلم وشفتي طبقت زي البكم والصم وصوتي مش طالع ومش قادرة اخد نفسي انا خايفه ومش عارفه اعمل ايه انا تعبانه جدا ومش قادرة انا مخضوضه من اللي حصلي”.
ثم طمأنت جمهورها عقب اتخاذها الإجراءات اللازمة: “الحمد لله رب العالمين علي كل حاجة حصلت ليا أنا بكتب وانا مش قادرة لاطمنكم أنا روحت المستشفي، وعملت الأشعة المقطعيه علي المخ، الحمد لله مفيش جلطه بس للاسف فقدت النطق بسبب إني زعلت جامد ادعولي دعوة صادقة”.
وتابعت: “أنا محتاجه لدعواتكم وشكرا لكل اللي بيكلمني بس حرفيا مش قادرة من الصدمه، أنا دكتور كتبلي ادويه وقالي لازم ارتاح تماما وخلال ٣ ايام لو مش اتحسنت ورجعت اتكلم هتابع مع دكتور اعصاب واعمل جلسات كهرباء لأعرف أتحسن”.
وأضافت: “ادعولي اعرف انطق تاني وارجع لحياتي انا نفسيا مش أحسن حاجة دعواتكم وشكرا للتواصل معايا ولكل واحد حاول يكلمني ويساعدني وشكرا للي جالي البيت ووداني المستشفي دعواتكم”.
