تصدر حسام حسن، المدير الفني لفريق المصري، مؤشرات بحث جوجل خلال الساعات الماضية، وذلك بعد عدة تصريحات نارية أطلقها خلال مؤتمر صحفي، أمس الأربعاء، بعد خسارة فريقه أمام الأهلي، في المباراة التي جمعتهما بالجولة الثلاثين من الدوري وانتهت بالخسارة بهدفين نظيفين.
وإليك أبرز تصريحات حسام حسن بعد خسارة المصري من الأهلي..
كان جوايا إحساس بنسبة 99% إننا هنخسر لكن دون أن يصل إحساسى للاعبين حتى يبذلوا أقصى ما لديهم فى المباراة، وكنت عامل حسابي بنسبة كبيرة إننا ممكن نخسر.
فريقي قدم مباراة تكتيكية كبيرة والمصري يستهدف البقاء بالدوري هذا الموسم.
مبروك للأهلي الأهلي ليس طرفًا، ولكن فيه ناس عايزة تبوظ شغل الناس اللي بتتعب.
حكم الراية محمود البنا بيهددني على الخط بيقولي مش هسيبك إلا لما أبطلك كورة، دي بالنسبالي كأن واحد بيقتلني.
أنا مش مصدق إن الحكم قبل ما يتولد كان حسام حسن بيلعب كورة، يقولي هبطلك كورة.
أنا دخلت المؤتمر الصحفي عشان أخد حقي.
أنا مش عايز منتخب ومش عايز حاجة، بس أنا تم تهديدي على خط الملعب.
لو تم تهديدي في الشارع هعمل محضر لكن في الملعب مين يجيب لي حقي.
خدمت الكرة المصرية وأنا مش واخد حقي في أي حاجة.
بكلم رئيس الوزراء لأن اتحاد الكرة أو الوزير مش هيجيب لي حقي.
الحكم محمود البنا عمل كل اللي هو عايزه حسب علينا ضربة جزاء ولغى الهدف بتاعنا ومساعد الحكم اتكلم معي بأسلوب غير لائق.
أنا حاصل على وسام الجمهورية بعد كأس العالم 90، حكم راية يتحدث معي بتلك الطريقة!، يبقى هو متأكد إن مفيش اتحاد الكورة هيحاسبه.
أنا وابراهيم لم نطلب تدريب المنتخب ولا المسؤولين في الرياضة احترموا الرأي العام اللي طالب بوجودنا لتدريب المنتخب.
أنا مش بقول عاوز مكافأة أنا بقول حصل إهانة من فرد في منظومة اتحاد الكرة.
