حالة من الجدل أثارتها الفنانة علا غانم خلال الساعات الماضية بعدما نشرت استغاثة على موقع الصور “إننستجرام” تفيد بتعرضها للعنف والطرد من منزلها.
استغاثة علا غانم بعد تعرضها للعنف والطرد من منزلها
وكتبت علا غانم، “استغاثة للسيدة حرم رئيس الجمهورية والمركز القومي لحقوق المرأة.. الدكتورة مايا مرسي.. أنا الفنانة علا غانم أتعرض للعنف والقهر والطرد من منزلي، وأتعرض لمؤامرة وبلطجة وتهديد لي ولأسرتي بالكامل.. أغيثوني”.
وكشفت علا غانم، خلال تصريحات تليفزيونية، أنها تتعرض لهجوم عنيف منذ يوم الجمعة الماضية من قبل بلطجية في منزلها في المريوطية بإيعاز من زوجها رجل الأعمال عبد العزيز حسن الذي رفعت دعوى خلع ضده منذ شهور.
ولفتت إلى أن زوجها اقتحم غرفة مكتبها واستولى على الجهاز الخاص بتسجيل الكاميرات المثبتة داخل المنزل وخارجه، مضيفة: “أمي اضربت من زوجي بالشوم أمام عيني ومكنتش قادرة أدافع عنها، وخرجت أنا ووالدتي لحديقة منزلي واتصلت بالنجدة، وروحت قسم الشرطة لتحرير المحضر”.
وتابعت أنها تتعرض لتهديدات مستمرة بالتشويه بماء النار والضرب بالمولوتوف بعدما قامت برفع دعوة الخلع، وأن زوجها استعان بسيدات لضربها منهن قريبات له، لافتة إلى أنها تقدمت ببلاغ للأجهزة الأمنية ضده وضد البلطجية الذين استعان بهم، وأنها لن تتنازل عن حقها مهما حدث.
أول رد من زوج علا غانم
وفي أول رد له على علا غانم، نشر رجل الأعمال عبد العزيز حسن، مقطع فيديو قال فيه: “أنا عبدالعزيز حسن عبدالعزيز زوج الفنانة علا غانم، متجوزين من 18 عاما، كنا سعداء جدا مفيش أي حاجة، خلافات زوجية كالعادة، عايشين في أمريكا، وكنا بنبني ونصلح بيوت وبنعمل شغل مع بعض وعايشين حلو اوي، فوجئت في عيد جوازنا بتقولي عايزة اروح لبنتي مصر واصلح سناني هقعد شهر وارجع، قلتلها لازم تيجي بسرعة قالتلي اه شهر بس”.
وتابع: “فوجئت في يوم 2 أو 3 أكتوبر المستشار القانوني بتاعي في مصر بيقولي مدام علا رافعة قضية خلع، قلتله احنا اتصالحنا من 3 سنين قالي لأ دي واحدة تانية من اكتر من سنة استغربت وقلت دي عايشة معايا، المحامي راح للقاضي والقضية اترفضت دي اول مرة، القضية كانت راحت على عنوان المعادي وانا مش ساكن في المعادي، أنا في أمريكا وليا سكن في سقارة”.
وأضاف: “رفعوا قضية مرة تانية حطوا عنوان والدتي بوسط البلد، وانا مش في العنوان ده وكان هيتم نظر القضية وقبلها طلب مني المحامي اجي على مصر، رحت قابلت شيخ الأزهر وقلتله إني مش عايز أسيب علا، وعارف ان والدتها هي اللي ورا المشاكل، والدتها بتكرهني من أول ما اتجوزنا، هي شخص قوي جدا، وخلت بنت علا تكرهني واخو علا وسببت مشاكل كتير جدا”.
واستكمل: “جيت داخل البيت لقيت علا حاطة بلطجية على الباب علا ضربتني بإزازة نبيذ في عيني والولد راح شايلني حدفني على الباب واتكسر، وراحت أمها ضربتني بحديدة على دراعي، جه البوليس اخدونا ورحنا انا وهي وامها والاتنين اللي هما الغفرا بتوعها، الولد الغفير بجلابية ضرب دماغه في الحيطة، ونبهت أمين الشرطة، اخدوا أقوالنا ورحنا النيابة قعدنا لستة صباحا، كان كل حاجة كويسة لحد ما مدير النيابة قالنا انتوا مروحين”.
واستطرد: “فوجئت انها بعد كده بتقول إن فيه حد هجم على البيت رئيس النيابة كان هنا امبارح واخد بطايق الناس اللي أنا معينهم، وكشف عليهم ملقاش حد مسجل زي اللي كانت جايباهم، مرة تانية بقول لعلا أهلا وسهلا في بيتك احنا لسه متجوزين مفيش أي مشكلة بيني وبينك وعمري ما هعمل حاجة تضايق أي مخلوق، بالعكس أنا زعلان على اللي هي عملته فيا، لو أنا عملت حاجة غلط القانون ياخد مجراه، البيت ده بيت الزوجية ومعايا عقد، أنا واثق إن القانون المصري قوي ويعرف الحق، بعتذر لكل الناس بالنيابة عن علا لإني عارف إنها متقصدش اللي هي قالته، علا حد جميل وطيب في أوقات لا تقصد ما تقوله، وأتمنى تحاول وتدخل مستشفى”.
اتهام علا غانم بالتعدي على زوجها
ومن جانبه كشف محسن حجاج، محامي رجل الأعمال عبدالعزيز حسن، في تصريحات صحفية، أن ما يحدث من علا عانم مجرد شو للضغط على الزوج”، موضحًا أن هناك محضر بتاريخ الجمعة 3 فبراير عن تعرض موكلي للتعدي والبلطجة خلال تواجده في الفيلا من طرف زوجته علا غانم والحرس الخاص بها.
وأضاف أنه تم عمل كشف طبي على موكله بسبب إصابته بجرج في الوجه واليد وكسر في الذراع، وقيدت الجنحة ضد علا غانم ووالدتها برقم 1379 جنح أبو النمرس، وجاري اتخاذ الاجراءات القانونية اللازمة.
