تصدرت الفنانة بسمة بوسيل مؤشرات بحث جوجل خلال الساعات الماضية، وذلك بعد حوارها مع برنامج “دقيقة نفهم”، الذي يذاع على موقع الفيديوهات الشهير «يوتيوب».
وتحدثت بسمة بوسيل خلال اللقاء عن طلاقها من الفنان تامر حسني، وإليك أبرز تصريحاتها..
أصعب قرار أخدته في حياتي هو الطلاق، لأنه صعب انك بتبني حاجات لمدة سنين وفجأة تكتشف أنها لازم تتهد، معنديش شيء تاني أصعب من كدا والطلاق بيبقى صعب جدا خاصة لو فيه ولاد.
أعتقد أولادنا متفاهمين موضوع الطلاق، لأنهم شايفين العلاقة بينا بقت أحسن، ومش بالضروري إننا معرفناش نكمل كزوجين منبقاش أصدقاء.
اللي جد على حياتي إني رجعت أعمل الهوايات بتاعتي اللي بحبها وبالنسبة لي الغنا كان أكتر حاجة بتخليني أخرج برة الروتين، دلوقتي بقيت بعمل دا بقيت بغني زي زمان وموهبة الغنا كانت عندي لكن مقررتش أحولها لاحتراف علشان كنت عايزة استمتع بالموضوع، دلوقتي بقى عندي حرية أكتر أقرر لنفسي اللي يبسطني، لكن مظنش هعمل ألبوم مع شركة منتجة لإن شغلي واخد كل وقتي.
أنا وتامر علاقتنا كويسة جدا مع بعض والعلاقة بتاعتنا أصبحت أفضل بكثير وإحنا بنحاول ندي أحسن ما عندنا لأولادنا ومش بالضروري منكملش كزوجين منبقاش أصدقاء.
وكانت بسمة بوسيل أعلنت انفصالها عن تامر حسني في شهر أبريل الماضي، حيث كتبت عبر حسابها بموقع إنستجرام: “وجعلنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بينا كل ود واحترام، وربنا يكتبلك ويكتبلي كل الخير أمين يارب”.
