![تامر حسني وبسمة بوسيل](https://alborsagia.news/media/2022/09/17-09-22-161232657-710x470.jpg)
حالة من الجدل أثارتها الفنانة بسمة بوسيل خلال الساعات الماضية، وذلك بعد قيامها بإلغاء متابعة زوجها الفنان تامر حسني من موقع الصور “إنستجرام” وحذف الصور التي تجمعهما معًا.
أقرأ أيضا.. حقق 173.5 مليون جنيه.. فيلم تامر حسني الجديد “بحبك” يتصدر “تريند” جوجل بسبب إيرادات
وفسر رواد مواقع التواصل الاجتماعي ما فعلته بسمة بأن هناك خلافات بينها وبين تامر حسني، في حين قال البعض إن الاثنين قد انفصلا.
وكتبت بسمة عبر حسابها على “إنستجرام”، “اللهم انت حسبي في من ظلمني وأنت حسبي في من أذاني وأنت حسبي في من خذلني، كفى بك يا الله حسيبا، حسبي الله ونعم الوكيل فوضت أمري إليك، في كل إنسان اغتابني بسوء، اللهم انصرني على من ظلمني فقد وعدتنا “لأنصرنك ولو بعد حين”، وأبعد عني يا الله كل من أراد بي شر وقدر لي كل خير”.
منشور عن الخيانة والكذب
ولم يتوقف الأمر على ذلك فقد كتبت بسمة منشور قالت فيه: “زهقت من الخيانة والكذب عديت كتير بس مش لدرجة أهلي”، ثم قامت بحذف المنشور.
وبعد وقت قصير من إلغاء متابعته عادت بسمة بوسيل لمتابعته مرة أخرى على “إنستجرام”.
ومن جانبه لم يرد تامر حسني ولم يلغ متابعة زوجته على “إنستجرام”.
خلاف بين بسمة بوسيل وتامر حسني منذ عامين
ولم تكن هذه هي المرة الأولى التي تثير فيها بسمة بوسيل الشكوك حول انفصالها عن تامر حسني، حيث كتبت بسمة عام 2020، عبر حسابها على “إنستجرام”، “لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات، يا ريت تبطلوا تبعتولي أي حاجة عشان مش فارقلي أي صور”.
وتابعت: “أحب أعرفكم إن إحنا بقالنا فترة منفصلين وبنحضر أوراق الطلاق، يا ريت تحترموا مشاعر كل واحد فينا وبطلوا على الأقل تبعتولي أي حاجة… بالتوفيق”.
وقال تامر حسني ردًا على بسمة في منشور: “بسمة حبيبتي للأسف إنتي مفكرتيش كويس وسلمتي ودانك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور، ودي طبيعة شغلي اللي عرفتيني بيها، إزاي وصلوكي للزعل وللبعد فترة، المهم أنا مش هزعل منك، ولا يرضيني زعلك، إنتي حبيبتي، وأم ولادي أنا سندك وظهرك مهما حصل، بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون، أو في زيارة رحيمة بينهم، ويا ريتها مشكلة أصلا”.
وأضاف: “ربنا جعل ما بينا مودة ورحمة، عشان كده للأسف أنتي عارفة إن في ناس في طبيعتهم حب خراب البيوت، ومش هنخلص منهم بس إنتي اللي هتخلصي، من فكرة إنك تسمعيهم، مع إنك مكنتيش كده، يا ريت تركزي مع طاقة الناس اللي دعولنا ودعوا لأولادنا بكل خير، وفعلا أنا بشكر كل الناس والفنانين اللي سعوا في الخير لينا، وأنا واثق إنك زعلانة دلوقتي إنك كتبتي كده، هو تصرف متهور منك بس ولا يهمك مش عيب الإنسان يغلط ويتعلم، وأنا ياما علمتك ولسه هعلمك، كان نفسي الكلام دا يكون بينا لكن إنتي أشركتي الجمهور الكريم فكان لازم أرد هنا، بينا حب غالي وحياة كريمة وأولادنا وبينا أغلى ما فيها ربنا يخلينا ليهم ويخليهم لينا، يارب، متهورة بس بحبك”.
يذكر أن الفنان تامر حسني، تزوج من بسمة بوسيل عام 2012.