هاجم حمو بيكا، مطرب المهرجانات، زميله حسن شاكوش، قائلًا :”مفيش حد أحسن مني، والناس كلها عارفة مين اللي طلع حسن شاكوش، أنا اللي طلعته للنور.. وأول أغنية عملتهاله جابت 15 مليون، حسن شاكوش لما اتشهر والغرور أخده مني بقى بيشتغل لوحده، وأنا اللي قفلتله بنت الجيران وأنا اللي فتحتها عشان حصلت مشاكل، وجاب ناس تتوسط.ز كل أغانيه بتاعتي”.
وقال بيكا خلال حواره مع الإعلامية بسمة وهبة، مقدمة برنامج “العرافة” على قناتي “المحور” و”النهار”، :”حسن بيحب السهر ومش بيحب الشغل وأنا مش بسهر، وهو مش مركز في شغله ووقع، وهو مش محبوب ولا مشهور أكتر مني، وروحتله الفرح عشان هو صاحبي ولازم اجامله، وبيقوله كله جاله مجاملة من غير فلوس، أمال هو دفع كل دا في ايه.. أنا اللي طلعت حسن شاكوش للنور ولما اتشهر الغرور خده مني”.
وأشار إلى أن شاكوش، يشبه الصراخ، أما عمر كمال، فهو لا يجيد الغناء ولا يمتلك صوتًا، وأنه هو من علمهما الغناء، وساعدهما كثيرًا ولم يساعده أحد.
وواصل بيكا أن تفوقه عنهما يكون في سرعة الأغاني، مشيرًا إلى أنه يعتبر نفسه عمرو دياب الغلابة.
