تصدر المنتج محمد كارتر زوج الفنانة شيماء سيف مؤشرات بحث جوجل خلال الساعات الماضية، وذلك بعدما كشف سبب عدم إنجابهما بعد 6 سنوات من زواجهما.
كارتر يكشف سبب عدم إنجابهما
وكتب محمد كارتر، عبر حسابه على “فيس بوك”، “من فترة طويلة وأنا بسمع الناس لما بتقابل شيماء بتقولها أنتي لو خسيتي هاتخلفي”.
وتابع: “ودلوقتي لما شيماء خست الناس لما بتقابلها بتقولها أيوا كده خسيتي يعني هاتخلفي، وهي عمرها مافكرت ترد وبتقول إن شاء الله”.
وأضاف: “حتي الناس اللي أنا اعرفهم بيقولولي كده ومحدش فيهم ولا لحظة فكر إنها سليمة ومفيهاش أي حاجة، ومعندهاش أي مانع إنها تخلف غير إنها مراتي”.
وواصل: “لو شيماء كانت اتجوزت أي حد غيري كان زمانها مخلفة عادي جدآ، النصيب والقدر خلها تتجوزني أنا، ونكتشف بعد فترة إن عندي مشكلة في الإنجاب”.
واستكمل: “وهي علشان عارفة ربنا كويس قالتلي إن كل شيء بميعاد واحنا لسه ميعادنا مجاش وهايجي إن شاء الله دعوتكم”.
خالد جلال يوجه رسالة لـ”كارتر” وشيماء سيف
ومن جانبه، وجه المخرج خالد جلال، رسالة لـ”كارتر” وشيماء سيف، وكتب: “يا سيدنا كل شيء بميعاد كاتبه ربنا سبحانه وتعالى”.
واستطرد: “أنا بقى بحبكم أنتم الإتنين جامد وانتوا الإتنين أعيل من بعض.. يعني أنتوا نفسكم حضانة أطفال مشتركة.. الطيبين الحلوين القمرات ابني وبنتي”.
يذكر أن، الفنانة شيماء سيف والمنتج محمد كارتر تزوجا في أكتوبر عام 2018 .
