علقت هدير أشرف، شقيقة نيرة أشرف، المعروفة إعلاميًا بـ”طالبة المنصورة”، على تنفيذ حكم الإعدام في قاتلها محمد عادل، اليوم الأربعاء.
وكتبت هدير، عبر حسابها الرسمي على موقع التواصل الاجتماعي “فيس بوك”، “الحمد لله الله أكبر الله اكبر الله اكبر، حقك رجع يا نيرة حقك رجع يارب اللهم لك الحمد، تم تنفيذ قصاص الله وعدله”.
وتابعت: “شكرا لربنا اولا واخيرا واللهم لك الحمد من لم يشكر الناس لم يشكر الله، شكرا وكيل النيابه بدر مروان اللى اتكلم بنبرة حزن وقهر كانها اخته المرافعه اللى ما تركت شىء ولا ثغره للمحامين يتكلموا فيها، شكرا القاضى بهاء المرى شكرا المستشار خالد المحامى اللى وقف وواجه هجوم مش طبيعى وكان ثابت على ارض صلبه لم يغدر ولم يخون الأمانة اللى ربنا وضعها فى رقبته ودعمه لينا”.
وأضافت: “شكرا لكل فرد فى العالم اترحم على نيره وحاول يشيل الحزن من قلبنا، شكرا لكل صفحه دافعت لوجه الله نعرفها او منعرفهاش، الناس اللى دعمتنا كتير اوى اوى شكرا لكل شخص عمل صدقه لنيره اللى قال عليها ومن لم يقل وجعل ثوابها لله الصدقات فى السر والعلن كانت اللهم بارك، ربنا سخرلنا ناس طيبين تخفف عنا ألمنا وتواسينا بدون ما يعرفونا، شكرا للقرايب الجميله اللى دعمتنا ناس من عيلتنا كان عندها رحمه وصبر وجبران خاطر لينا اتحملوا معانا اذىً كتي”.
واستكملت: “بحق شعفتنا وخضتنا وقهرتنا عليكى يومها وكل يوم من بعدك يا نيره يتعذب ف نار جهنم على الدرك الاسفل من النار بحق لا اله الا الله بحق غدرك بدون وجه حق بكل كلمه اتقالت واتظلمتى فيها ليعذبه عذابا لم يعذبه لاحد حسبى الله ونعم الوكيل حسبى الله ونعم الوكيل يارب، بجد بجد حصل كان نفسى يتصور اشوف عذابه وموته بعينى بس يكفى تم تنفيذ عدل ربنا وقصاصه، بقالى سنه كامله لا نوم ولا راحه من بعدك يا نيره بحبك وحشتينى يا اختى رجع حقك انتى شهيده فى الجنه باذن الله”.
